Banki pillugu

Ivaana BankNordikimit 150.000 kr.-inik nalilimmik legatinnappoq

Nordatlantisk Gymnasieklasse augustimi aallartippat Ivaana Olsen Rasmussen 15-inik ukiulik Sisimiuneersoq ilinniartut aallartittussat 32-t ilagissavaat.

Ilinniarnertuunngorniarfik nutaaq aqqutigalugu inuusuttut nunani avannarlermiut Savalimmiuni, Danmarkimi, Islandimi, kiisalu Kalaallit Nunaanni atuarnertalimmik ilinniarnertuunngorniarsinnaalerput. BankNordikip ilinniartoq kalaaleq ataaseq legatimik taperniarpaa, ukiut ilinniarfiusut pingasuusut ingerlaneranni katillugit 150.000 kr.-inik taperlugu.

Ivaana Olsen Rasmussen BankNordikimut qinnuteqarsimavoq, qanittukkullu nalunaarfigineqarpoq legatinnattussatut qinigaasimalluni. Soorunalumi nuannaarutigeqaa.

”BankNordikimit legatinnannera assorsuaq qujamasuutigaara. Legatinnattussanngorama Nordatlantisk Gymnasieklasse ilinniarfigisinnaalerpara, ilinniarfik nutaaq pissanganartorlu, nunani avannarlerni nunanit assigiinngitsunit sisamanit peqataaffigineqartoq. Nunat avannarliit allat tikillugillu piorsarsimassusaat misilittagaqarfigisinnaalerpara, ilinniagassanik soqutigisannik aallussiutigalunga,” Ivaana oqarpoq.

Aasaanerani atuanngiffiup kingorna Ivaana atuaqatissanilu Nordatlantisk Gymnasieklasse atualerfigissavaat, 1.g Danmarkimi ingerlanneqassaaq, kingorna 2.g-mi ukiup affaa Savalimmiuneeriarlutik ukiup affaa Islandimiissapput. Ukiut pingajussaanni atuaqatigiit ilinniarnertik Kalaallit Nunaanni ingerlatissavaat, tassanilu naammassissallutik.

”Inuusuttut ilinniagaqarnissaannut kajumissaarusuppagut, tamanna suliffissanik periarfissiissammat, kiisalu inuiaat ilinniarluarsimasuuppata tamanna inuiaqatigiinnut tamanut iluaqutaassammat. Legatimik tunniussilluta ilinniartumut oqilisaarusuppugut, nerisassanut, ineqarnermut, kiisalu nunat taakku sisamat akornanni angalanissanut aningaasartuutissanut tapiilluta – nunani avannarlerni ilinniarnertuunngorniarnerminik naammassinninnissaanut tapersersorlugu,” René Sørensen, BankNordikimi privatkundedirektøriusoq oqarpoq.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit