Banki pillugu

Susanne Aviajalu BankNordik-legatinnapput

BankNordik-legati ukiumut marloriarluni ilinniartunut kalaallinut marlunnut tunniunneqartarpoq. Legati 25.000 kr.-inik naleqarpoq, ilinniarnerup nalaani tapiissutitut tunniunneqartarpoq, ulluinnarnilu atukkanut oqilisaataasinnaalluni.

Qanittukkut Susanne Andersen aamma Aviaja Geisler Kristensen BankNordik-legatinnapput. Taakku tamarmik qaffasinnerusumik ilinniagaqartuupput.

Susanne pædagogisk psykologimi kandidatinngorniarnerminut atatillugu qanittukkut soraarummeerutaasumik allaaserinnittussaavoq, tassanilu Kalaallit Nunaanni perorsaasutut ilinniarsimasunik sulisussaaleqineq sammissavaa.

Aviaja Aalborg Universitetimi Udvikling & Internationale Relationerimi ilinni-artuuvoq. Issittoq pillugu ilisimatusaatit immikkut sammisarivai, massakkullu Kalaallit Nunaata Washington, D.C.-mi Sinniisoqarfiani praktikkerluni.

”Neriuppugut legatinnatsitsineq aqqutigalugu ilinniartut ataasiakkaat iluaqu-tississinnaassallugit – taamatuttaarlu ilinniakkaminnik naammassisartut amerlinissaannut sunniuteqaqataasinnaassalluta. Pisinnaalluartunik sulisoqarnissaq inuiaqatigiinnut pingaaruteqarluinnarpoq, tamannalu taper-sersorusupparput. Tamatumuuna legatinnatsitsinitsinni sammisat Kalaallit Nunaannut pingaaruteqartut tapersersorusussimavagut: perorsaasunik amigaateqarneq kiisalu nunat issittut soqutigineqarnersuat,” René Sørensen, BankNordikimi privatkundedirektøriusoq nassuiaavoq.

Tulliani legatinnannissamut qinnuteqarfissaq kingulleq tassaavoq martsip 10. 2020. Siornatigut qinnuteqarsimasut itigartitaasimasut aamma qinnuteqaqqinnissamut tikilluaqqusaapput.

Uani paasisaqarnerusinnaavutit www.banknordik.gl/legat

 

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit