BankNordikip erniarititat allanngortippai
BankNordikip sullitaminut privatinut inuussutissarsiortunullu erniarititat allanngortippai. Niuerfimmi ineriartornermi pissutsit Nationalbankenillu ataavartumik aningaasartuutaasumik erniaqartitsinera erniat allanngortinneqarnerannut pissutaapput.
Niuerfimmi ineriartorneq pisoq pissutaalluni BankNordik aningaasanik uninngasuuteqartitsinerminut atatillugu piffimmi sivitsulersumi aningaasartuuteqartuarsimavoq. Erniat qaffanneqarallartussaarpasinngimmata – erniallu appasinneranni aningaasartuutit nalimmassarumallugit – uninngasuutinut erniarititavut qaammatini tulliuttuni appartinneqassapput.
Inuussutissarsiortunut uninngasuutit 100.000 kr.-it sinnerpagit erniat -0,30 % p.a.-minngaanniit -0,50 % p.a.-mut appartinneqassapput, uninngasuutinullu privatinut erniat 0,00 % p.a.-mut appartinneqassallutik. Taamaattorli Meeqqanut ileqqaakkanut Nanoq-kontomullu erniat 0,10 % p.a.-ussapput, NordikSolomilu ileqqaakkat 25.000 kr.-it sinnerpagit erniat 0,10 % p.a.-ussallutik. Taamaasillutik privatinut uninngasuutit aningaasartuutaasumik erniaqassanngillat.
”Erniat appasinnerat ineqarnermut tunngasunik taarsigassarsiniaraanni iluatinnarput, akerlianilli bankkontomi nalinginnaasumi ileqqaagaqarniaraanni iluatinnarpallaarani. Ukiormanna erniat qaffannissaat naatsorsuutigisimagaluarparput, maannali pissutsit aallaavigalugit qaffakkallarnissaat ilimanarpasinngilaq. Taamaammat niuerfimmi ineriartornermut nalimmassarlugit erniat allannguivigaagut. Assersuutigalugu statsobligationimut erniat massakkut -0,80 %-iupput, realkreditobligationimullu -0,60 %-iullutik,” Árni Ellefsen, BankNordikimi pisortaaneq oqarpoq.
Iluanaaruteqarneruniaraanni aningaasaliineq periarfissaavoq, aningaasaliinerli nalorninaatitaqartuaannarpoq. Sullitat Netbank aqqutigalugu nammineerlutik aningaasaliisinnaapput, kisianni aamma bankimi aningaasaliinermik ilisimasalinnit aningaasaliissunneqarsinnaapput. Aningaasaliinermut tunngatillugu paasisaqarnerorusukkuit attavigisinnaavatsigut.
| Uninngasuutit privatit | Erniat nutaat | Erniarititanik allannguinerup atuutilerfissaa |
| Uninngasuutinut erniat tamarmik Meeqqanut ileqqaakkat, NordikSolo-mi ileqqaakkat kiisalu Nanoq-konto uani pineqanngillat* |
0,00 % p.a. | Novembarip 20. 2019 |
| Inuussutissarsiortunut uninngasuutit** | Erniat nutaat | Erniarititanik allannguinerup atuutilerfissaa |
| 0 – 100.000 kr. | 0,00 % p.a. | Oktobarip 20. 2019 |
| 100.000 kr. – 1 mio. kr. | -0,30 % p.a. | Oktobarip 20. 2019 |
| 1 mio. kr. sinnerlugu | -0,50 % p.a. | Oktobarip 20. 2019 |
* Meeqqanut ileqqaakkanut kiisalu Nanoq-kontomut erniat tassaalissapput 0,10 % p.a., NordikSolo-milu ileqqaakkanut erniat 25.000 kr. sinnerlugit uninngasuuteqaraanni tassaassallutik 0,10 % p.a.
**Sullitap uninngasuutaasa katillugit nalingat aallaavigalugu naatsorsorneqassaaq
Uatsinni periarfissatit paasisaqarfiginerorusuppigit?
Uunga sianerfigitigut