BankNordik-legatinnattuuvoq Victor Langholz

BankNordik-legati ukiumut marloriarluni qaffasinnerusumik ilinniagalinnut tunniunneqartarpoq. Legati 25.000 kr.-inik naleqartoq ilinniarnerup nalaani ulluinnarni aningaasaqarnikkut oqilisaatissatut tunniunneqartarpoq.

Tamatumuuna legatinnattuuvoq Victor Langholz. Victori – pilersaarutit malillugit – septembarimi USA-mukassamaarpoq. The University of Oklahomami sammisaq International Business og Entrepreneurship ilinniarfigalugu bachelorinngorniassamaarpoq.

”Inuusuttut ilinniakkamik qaffasinnerusumik naammassisartut amerlinissaat suleqataaffigerusupparput – inuiaqatigiinnut iluaqutaassammat, naammassinnittullu aamma allanik maligassiueqataassammata. Suli pikkorinnerusunik sulisoqalernissatsinnut tamanna pingaaruteqarluinnarpoq – nunanillu allanit aamma isumassarsiorsinnaappata tamakku aamma iluatinnassaqaat,” René Sørensen, Nuummi privatkundedirektøriusoq oqarpoq, nangillunilu: ”coronap ilungersunartorsiortitsinerata kingunerisaanik ilinniarfiit arlallit ilinniartitsisinnaajunnaarallarsimapput, taamaammallu massakkut ilinniartoq ataasiinnaq legatinnatsissallugu aalajangersimavugut. Ukiaru BankNordik-legatinnatsitsilerutta ilinniartut pingasut 25.000 kr.-innannissaminnut periarfissaqassapput.”

Qinnuteqarfissaq kingulleq tassaavoq septembarip 24., siornatigullu itigarsimagaanni qinnuteqaqqinnissaq ajornanngilaq.

Uani sukumiinerusumik paasisaqarsinnaavutit www.banknordik.gl/legat