COVID-19-imut atatillugu inuussutissarsiortunut ikiorsiissutit

COVID-19-imut atatillugu suliffeqarfiit ikiorsiissutissanik arlalinnik periarfissaqarput. BankNordikimi siunnersortigisarsi attavigalugu ikiorsiissutinut assigiinngitsunut atugassarititaasut periarfissallu paasiniarsinnaavasi.

BankNordikip sullitanut inuussutissarsiortunut ikiorsiissutai

Sullitavut COVID-19-imut atatillugu ilungersortitaalersut aningaasaqarnikkut qaangiilluarnerunissaannut ikiorserusuppagut. Taamaammat sullitatsinnut inuussutissarsiortunut kaaviiaartitamik ilaannik tamakkiisumilluunniit annaasaqarsimasunut, annaasaqarnissamilluunniit ilimasuttunut periarfissat uku pilersippagut:

• Qaammatit arfinillit tungaannut taarsersuutitaqanngitsumik taarsigassarsisinnaaneq
• Akiliisinnaassuseq anguniarlugu ikiorneqarnissamut periarfissat allat

Pisortanit ikiorsiissutit

Malugiuk: Aaqqissuussinerit ataavartumik allanngortinneqartarlutillu nalimmassarneqartarput. Paasissutissat ataaniittut martsip ulluisa 31-anni nutarsarneqarput.

Vækstfonden

• Qularnaveeqqusiinikkut aaqqissuussineq Vækstfondenimit qularnaveeqqusikkamik bankimi taarsigassarsisinnaatitaaneq atorsinnaanerluunniit. Aaqqissuussineq una suliffeqarfiup qinnutigisinnaavaa piffimmi martsip 1. 2020-mit septembarip 30. 2020-mut COVID-19-ip kinguneranik kaaviiaartitani minnerpaamik 30%-inik annaasaqarsimappat taamatulluunniit annaasaqarnissamik ilimasuppat. Aningaaserivik aqqutigalugu qinnuteqarneq pissaaq. Periarfissat atugassarititaasullu paasisaqarfiginerorusukkukkit attavigitigut.

Vækstfondenip nittartagaani sukumiinerusumik paasisaqarsinnaavutit.

Eksportkreditfonden (EKF)

Eksportkreditfondenip COVID-19-imut atatillugu kiffartuussinermini periarfissarititani annertusarsimavai. Aaqqissuussinerit suli atuutilersimanngillat, naalagaaffiit aningaasatigut ikiorsiinerannut malittarisassat malillugit EU-kommissionimit akuerineqaqqaartussaammata.

• Suliffeqarfinnut mikisunut akunnattunullu (SMV-nut) akiliisinnaassuseqarnissamut akiliussisussamaataaneq. Akiliussisussamaataaneq taanna aqqutigalugu suliffeqarfiit avammut nioqqutissiortut bankiminngaanniit taarsigassarsitinneqarsinnaapput, naammattumik akiliisinnaassuseqarnissaq anguniarlugu; tamannalu pissaaq bankip Eksportkreditfondenimit qularnaveeqqusiinermik tunineqarneratigut. Suliffeqarfiit aningaaserivik aqqutigalugu periarfissaq una qinnutigissavaat. Aaqqissuussinerup qaqugu atuutilernissaa, periarfissallu atugassarititaasullu sukumiinerusumik paasisaqarfiginiarukkit attavigitigut.
• Kreditforsikreret privatit sillimmaseqqinneqarnissaat annertusisaq. Sillimmaseqqinnissamut aaqqissuussineq annertusineqarluni maanna nunanut OECD-miittunut aamma atuutilissaaq. Aaqqissuussineq taanna aqqutigalugu suliffeqarfiit avammut nioqqutissiortut sullitaminnit nunani OECD-miittunit pisassatik sillimmaseqqissinnaassavaat. Nunat pineqartut ilagaat nunat Europamiittut. Suliffeqarfiit kreditforsikringsselskabit arlaat aqqutigalugu periarfissaq una qinnutigissavaat.

Eksportkreditfondenip nittartagaani sukumiinerusumik paasisaqarsinnaavutit.

Kalaallit Nunaanni suliffeqarfinnut ikiorsiissutit allat

• A-skatimik sulisoqarnermullu akitsuutinik akiliinissap qaammatit pingasut tungaannut kinguartinneqarnera. Paasissutissat sukumiinerusut Akileraarnermut Pisortaqarfiup nittartagaani www.aka.gl-imi saqqummiunneqarumaarput.
• Kalaallit Nunaanni suliffeqarfinnut mikisunut akunnattunullu (SMV-nut) ikiorsiissutit. Tassani ilaapput kaaviiaartitanut annaasanut taartisineq, aningaasartuutinut aalajangersimasunut taartisineq, kiisalu ajornartoorfimmi akisussaassulimmik taarsigassarsinissamut periarfissinneqarneq. Ikiorsiissutinut aningaasat ilaat suliffeqarfinnut sakkortunerusumik eqqugaasimasunut atugassatut aalajangiunneqareersimapput, tassani pingaarnertut pineqarput hoteliutillit takornariaqartitsinermillu suliallit. Ikiorsiissutinit qaammammut annerpaamik 1. mio. kr. suliffeqarfimmut ataatsimut tunniunneqarsinnaavoq.
• Ikiorsiissutit suliffeqarfinnut privatinut akissarsiassanut taartisiassanik periarfissiisut. Suliffeqarfiit sulisuutimik minnerpaamik 30%-iinik imaluunniit inunnik 25-nik sinnilinnik soraarsitsisariaqalersut qaammatit pingasut tungaannut akissarsiassanut taartisisinnaalerput. Sullissiviup nittartagaani sukumiinerusumik paasisaqarsinnaavutit.
  
  

Ikiorsiissutinut atugassarititaasut qinnuteqarfissallu Business Greenlandip nittartagaani pissarsiarineqarsinnaapput.