Sikkerninnguaq Hard Lorentzen BankNordik-legatinnappoq
BankNordik-legati ukiumut marloriarluni kalaallinut qaffasinnerusumik ilinniagalinnut marlunnut tunniunneqartarpoq, tamatumuunalu Sikkerninnguaq Hard Lorentzen 25.000 kr.-innalluni legatinnattuuvoq.
Sikkerninnguaq Hard Lorentzen Eqqartuussisoqarfik Sermersooq-mi eqqartuussisutut sulivoq, maannalu Syddansk Universitetimi inatsisinik ilisimatusarluni bachelorinngorniarniarluni. Sikkerninnguaq sulinermi saniatigut ilinniakkani ingerlappaa, eqqartuussisutut suliassani pingaaruteqaqisut suli naammassisinnaaniassagamigit.
”BankNordik-legatinnannera assorsuaq nuannaarutigaara, anguniakkama angunissaanut qanillisitsisuussammat, kalaallisut oqaaseqartuullunga Kalaallit Nunaanni Eqqartuussivinni dommerfuldmægtigitut atorfeqalernissaq anguniagarigakku,” Sikkerninnguaq Hard Lorentzen oqaluttuarpoq, nangillunilu, ”aningaasat inatsisinik ilisimatusarnermi atuakkanut akisoqisunut atorneqassapput, kiisalu misilitsinnernut atatillugu Odensemukartarnissannut bilitsinut atorneqarsinnaassallutik.”
”BankNordik-legati ilinniarnerup nalaani ulluinnarni aningaasaqarnikkut oqilisaatissatut tunniunneqartarpoq. Legatinnatsitsigaangatta aamma inuusuttut ilinniakkaminnik inuiaqatigiinnut iluaqutaasussaasunik naammassinninnissamut kajumissaaserusuttarpavut,” René Sørensen, BankNordikimi privatkundedirektøriusoq oqarpoq.
Upernaaru legatinik tunniusseqqikkumaarpugut, qinnuteqarfissarlu kingulleq tassaavoq martsip 11. 2021.
Uatsinni periarfissatit paasisaqarfiginerorusuppigit?
Uunga sianerfigitigut