Innersuussinerit marluk
”Ukiormanna Digitaliusumik Aningaaserivitsialak”-mut innersuussinerit marluk.
Septembarip 10.-ni ataatsimeersuarneq ”Ukiormanna Digitaliusumik Aningaaserivitsialak” Københavnimi ingerlanneqassaaq – BankNordikilu nersornaatinut ataatsimeersuarnermi tunniunneqartartunut marluusunut innersuunneqarsimavoq, taakku tassaapput:
- Sullitanut periarfissat digitaliusut pitsaanerpaat
- Ukiormanna Digitaliusumik Aningaaserivitsialak
”Ukiormanna Digitaliusumik Aningaaserivitsialak” ukiut tallimassaanik ingerlanneqassaaq, tassanilu aningaaseriveqarnerup silarsuaani digitaliusumik ineriartortitsineq immikkut sammineqartarpoq. Ataatsimeersuarnermi aningaaseriviit pikkorinnerpaasut nersorneqartarput, taamaasillutillu digitaliusumik sullissinermi pitsanngorsaaniarsimanertik pillugu nersorniarneqartarlutik.
”Assorsuaq tulluusimaarutigaarput nittartagarput, inoqatinut attaveqaatit, netbank, suliallu allat nammineerlutik qarasaasiakkut isumagineqartartut maluginiarneqarsimammata – ajugaagutta ajugaanngikkaluaruttaluunniit innersuunneqarsimanerput digitaliusumik suliaqarnitsinnut pilersaarusiorsimanitsinnullu kajumissaataavoq. Pilersaarusiatsinni pingaarnertut tunaartaraarput uatsinni sullitaaneq suli oqinnerullunilu orniginarnerussasoq”, Turið Finnbogadóttir Arge BankNordikimi forretningsdirektøriusoq oqarpoq.
Nerioqatiginiartigut ajugaassasugut!