Niaqorornaveeqqut atiguk isumannaatsumillu ingerlallutit
Qujanartumik meeqqat amerlanerit niaqorornaveeqquteqartarput. Tamanna ajunngeqaaq - tassami niaqorornaveeqquteqaraanni niaqukkut innarlerneqarsinnaaneq 50 %-ip missaanik annikillisarpoq (tigusiffik: Sikker Trafik).
Qanorpiarliuna niaqorornaveeqqut atititassaasoq?
- Narlortillugu!
Niaqorornaveeqqut narlortingajallugu atitinneqassaaq.
Qallut niaqorornaveeqqutip sinaanit 2 cm-ip missaanik ungasitsigissapput.
- Qaaq, avaaq, tulliillu assersimassapput.
Niaqorornaveeqqutip atitilluarlugu aalajangernissaa pingaaruteqarpoq. Allunaasaq sukassimagaangat tallup allunaasallu akornannut inussat marluinnaat pulasissinnaassavatit. Allunaasap sukatigassartai siutip puaata ataaniissapput. Allunaasat sukangalluaqqullugit sapaatip akunnikkaarlugit sukaterneqartassapput.
- Meeqqap niaqorornaveeqqutini mikigilersimaguniuk annerusumik pitsinneqassaaq. Niaqorornaveeqqut taarserneqanngippat meeqqap niaqua naammattumik illersorneqassanngilaq.
- Niaqorornaveeqqut arlaannut kallussimappat taarserneqassaaq.
Quppamininnguugaluarpalluunniit tassa niaqorornaveeqqut atorneqarsinnaajunnaarsimassaaq.
Qitornat sillimmasernikuuiuk?
Ajutoortoqariataassagaluarpat sillimmasersimaneq pingaaruteqarpoq. Sillimmaserluarsimaguit inuunermi aqqusaagassarpaalunni ilinnut qitornannullu toqqissisimanarnerussaaq. Meeqqatit meeqqanut ajutoorsinnaanermut sillimmasersinnaavatit, ulloq unnuarlu atuuttumik. Meeqqasi tamarmik sillimmasiinermut ataatsimut nalunaarsorneqarsinnaapput, pingaaruteqarporlu meeqqat tamarmik aqqi sillimmasiinermi nalunaarsorsimanissaat.
Uatsinni periarfissatit paasisaqarfiginerorusuppigit?
Uunga sianerfigitigut