BankNordikip ikuallaavissaq nutaaq inuiaqatigiinnut avatangiisinullu iluaqutissaq aningaasalersuiffigaa

Decembarip 17-ani Nuummi BankNordikip ESANI A/S 125 mio. kr.-ip nalinganut aningaasaliinissamut isumaqatigiissusioqatigalugu atsioqatigaa.
ESANI A/S tassaavoq Kalaallit Nunaanni kommunit suleqatigiillutik eqqagassalerinermut piginneqatigiiffiat. Ikuallaavissanik nutaaliaasunik marlunnik sanaartortitsisussanngorput Nuummi Sisimiunilu. Taakkua Kalaallit Nunaanni eqqagassat amerlanersaat isumagisussanngussavaat, nukissamillu piujuartitsillutik kiassarnermut sarfaqarnermullu nuutsittassallugit.

Ikuallaaviit aniatitsinermut atatillugu piumasaqaatinut pitsaanerpaanut naleqquttuussapput, taamaasillutillu ullumikkumut naleqqullugu sananeqaatinik mikisuaqqanik toqunartunillu aniatitsineq annikillisarneqangaatsiassalluni. Ikuallaaviit nutaat taamaasillutik inuiaqatigiinnut avatangiisinullu iluaqutaassapput.

”Assorsuaq nuannaarutigaarput suliniummut annertoqisumut matumunnga aningaasaleeqataanikkut Kalaallit Nunaanni nukissamik piujuartitsinerup annertusarneqarneranut tapersersueqataasinnaanerput,” BankNordikip erhvervsdirektøria Jesper Hansen oqarpoq.

Ikuallaaviit marluk sanaartorneqarnerisa katillugit akiat 400 mio. kr.-ip missaaniippoq, tassungalu GrønlandsBANKEN aamma BankNordik aningaasaleeqataapput.

Assimiittut saamianit:
Erhvervsdirektør Jesper Hansen, BankNordik
Pisortaaneq Frank Rasmussen, ESANI A/S
Siulersuisuni siulittaasoq Hans Ulrik Skifte, ESANI A/S
Pisortap tullia John Jakobsen, GrønlandsBANKEN