BankNordik erhvervsdirektøritaalerpoq

Thomas Tyt Mogensen, Kalaallit Nunaanni BankNordikimi erhvervsdirektøriusoq ukiut pingasut affarlu bankimi atorfeqareerluni soraarniuteqarsimavoq. “Tyt Mogensenip sulilluarsimaneranut qutsavigerusuppara, siunissamilu ingerlalluarnissaanik kissaallugu,” Árni Ellefsen, BankNordikimi pisortaaneq oqarpoq.

Jesper Hansen erhvervsdirektøriugallartussatut toqqarneqarsimavoq, piffissamilu qaninnermi aalajangersimasumik atorfinitsitsisoqarnissaa sulissutigineqassaaq. Jesper maajimi 2020-mili BankNordikimi inussutissarsiortunut siunnersortitut sulisimavoq. Siornatigut ilaatigut Greenland Ruby A/S-imi økonomidirektøriusimavoq, ISS Grønland A/S-imi pisortaanerusimavoq, kiisalu Grønlandsbankenimi erhvervskundechefiusimalluni.

BankNordikip Kalaallit Nunaanni niuerfimmi ineriartornera kingullertigut ingerlalluarsimavoq, bankillu nalilerpaa siumut suli annerusumik Kalaallit Nunaanni ineriartortitsinissamut periarfissaqarluartoq. Sullissinermi siunnersuinerup pitsaasumik paasinartumillu ingerlaannarnissaa, kiffartuussinerullu pitsaasuujuarnissaa erhvervsdirektørissap nutaap ilaatigut qulakkiigassarissavaa.