BankNordik Kalaallit Nunaanni ineriartor-luarpoq

BankNordikip ullumi ukiormanna qaammatini siullerni 9-ni naatsorsuutimi inernerat saqqummersippai. Sullitat eqeersimaarnerat sullitanngortartullu nu-taat peqqutaallutik banki Kalaallit Nunaanni niuernikkut siuariartorpoq. Tama-tuma saniatigut bankip CO2-mik annikillisaaneq ukkatarinerulerpaa.

”Kalaallit Nunaanni sullitatta akornanni maluginiarparput privatit inuussutissarsiortul-lu assorsuaq eqeersimaartut, uatsinnullu nuullutik sullitaalersut amerliartuinnarnerat aamma nuannaarutigaarput. Sullitatsinnut piukkunnartumik pitsaasumillu siun-nersuinissaq suliassatta pingaarnersaraat, sullissinittalu inerisartuarnissaa sulis-sutigiuarparput,” Árni Ellefsen, BankNordikimi pisortaaneq oqarpoq.

Kalaallit Nunaanni immikkoortortaqarfitsinni akileraarutit sioqqullugit ukiormanna qaammatini siullerni qulingiluani naatsorsuutit inernerat 28 mio. kr.-iuvoq, 2020-mi piffimmi tassani 13 mio. kr.-iupput. Taarsigassarsisitsineq Kalaallit Nunaanni 13%-imik annertuseriarsimavoq, sulilu iluanaarutaalluartumik ineriartornerunissaa bankip ilimasuutigaa.

Inuiaqatigiittut piujuartitsisuunerulernissamut siuarsaaqataajumalluta BankNordikimit 2021-p aallartinnerani avatangiisinut, isumaginninnermut, aqutsinermullu tunngatil-lugu anguniakkat arlallit saqqummersippavut. Anguniakkat ilagaat uagut CO2-mik aniatitsinerput annikillisassassallugu, anguniakkatullu siunniussaraluarput maanna allanngortissimavarput suli annertunerusumik anguniagaqalerluta. Anguniagarput tassaavoq bankip kingusinnerpaamik 2025-mi CO2-mik aniatitsinerit toqqaan-nartumik uuliamik benziinamilluunniit ikuallaanermit pisut nungutilluinnarsimassagai. Taamaasilluni toqqaannartumik CO2-mik aniatitsinermut atatillugu anguniagarput (Scope 1) 2025 nallertinnagu 50 tonsinit 0 tonsinut appartinneqarput. Tassunga sanilliullugu 2020-mi aniatitsineq 134,3 tonsiusimavoq.

”Bankitut suliaqarnitsinni inuiaqatigiit akuuffigisatta iluanni piujuartitsinerulernissa-mut ikaarsaarnermi sunniuteqaqataasinnaalluta inissisimavugut. Akisussaaffillu taanna tigulluarusupparput. Taamaammat piujuartitsinermut tunngasunik taarsigas-sarsisitsisarpugut, sullitatta piujuartitsinerulersinnaanerannik periarfissiisunik, aam-malu nammineerluta avatangiisinut kingunerlutsitsisinnaanerput sapinngisamik annikillisarniarsaralugu,” Árni Ellefsen BankNordikip CO2-mik aniatitsinermik annikil-lisaaniarneranut atatillugu oqarpoq.

Ingerlatseqatigiiffiup BankNordikip ukiormanna qaammatini siullerni 9-ni naatsorsuutai pingaarnersiukkat

  • Akileraarutit sioqqullugit inernerat tassaavoq 246 mio. kr., tassannga 90 mio. kr. missaaniittut bankip Danmarkimi immikkoortortaata tunineranit pisuupput.
  • Appartitsinerit sioqqullugit ingerlatsinerup inernera 127 mio. kr.-iuvoq, 2020-mi piffimmi tassani 110 mio. kr.-iuvoq.
  • Taarsigassarsiarititanik appartitsinernik utertitsineq ilanngaatissat ilanngaatigereerlugit 36 mio. kr.-iuvoq, 2020-milu piffimmi tassani 5 mio. kr.-iulluni.
  • Ingerlatsinerup inernera 163 mio. kr.-iuvoq, 2020-milu piffimmi tassani 106 mio. kr.-iulluni.
  • Bankip taarsigassarsisitsinera 2020-mi piffimmi tassani 7,5 mia. kr.-usimasoq qaffariarsimavoq 7,6 mia. kr.-ulerluni.
  • Bankip realkreditimik taarsigassarsisitsinera 2020-mi piffimmi tassani 2,3 mia. kr.-usimasoq 2,6 mia. kr.-inut qaffariarsimavoq.
  • Bankip uninngatitai 2020-mi piffimmi tassani 7,5 mia. kr.-usimasut appari-arsimapput 7,4 mia. kr.-ulerlutik.
  • Akiliisinnaassusaa 2020-mi piffimmi tassani 24,9%-usimasoq 2021-mi 31,7%-inut qaffariarsimavoq.
  • Siulersuisut naatsorsuutigaat ilanngaatissat ilanngaatigereerlugit 2021-mi inernerat 230 - 250 mio. kr.-ip nalaaniissasoq.

    Paasissutissat sukumiinerusut

    Árni Ellefsen, pisortaaneq, tlf.: +298 230 348