Múte B. Egede BankNordikimi pulaartoq
Sapaatip akunnera kingulleq Naalakkersuisut siulittaasuat, Múte B. Egede, siullermeerluni Savalimmiuni pisortatigoortumik tikeraarpoq. Tassunga atatillugu Savalimmiuni suliffeqarfiit assigiinngitsut pulaarpai.
Uaguttaaq BankNordikimi Múte B. Egede pulaartoraarput, Savalimmiuni lagmandi, Bárður á Steig Nielsen, atorfillillu peqatigalugit Tórshavnimi qullersaqarfitsinni pulaaramitigut. Naalakkersuisut siulittaasuata lagmandillu Kalaallit Nunaanni immikkoortortaqarfitsinni sulisut aamma tassani ilassivaat, ukioq allortarlugu sulisuvut weekendeqatigiittarnerat eqqorluavillugu pulaaramik.
”Naalakkersuisut siulittaasuat tikeraarnermini ulapikkaluaqaluni BankNordikimi pulaarumasimammatigut assut nuannaarutigaarput. Savalimmiuni Kalaallit Nunaannilu suliffeqarfiuvugut, taamaammat pulaarneragut nunatta akornini attaveqatigiinnerpassuit pisartut aamma erseqqissarneqarput,” Turið F. Arge, BankNordikimi forretningsdirektøriusoq, Múte B. Egedep pulaarneranut atatillugu oqarpoq.
BankNordik 1906-imi Savalimmiuni tunngavilerneqarpoq, 2010-miillu Kalaallit Nunaanni aamma ingerlassilernikuulluni, ullumilu Kalaallit Nunaata annersaani sullitanik privatinik inuussutissarsiortunillu sullitaqarluni.