Ukiup affaani siullermi Bankivik siuari-arsimavoq
"Ukiup affaani siullermi ingerlatseqatigiiffiup ingerlarnga naatsorsuutigisimasatsinnit pitsaaneruvoq, taamaasilluta ukiup affaani naatsorsuutit inerneri pitsaasut saqqummiussinnaavagut. Naatsorsuutit ilaatigut takutippaat Kalaallit Nunaanni ingerlatsinerput 23 mio. kr.-inik inerneqartoq. Ukiup affaani siullermi sullitat akuunerat annertusisimavoq, ilaatigullu ingerlatseqatigiiffimmi taarsigassarsisitsineq, realkreditimik taarsigassarsisitsineq, uninngatitallu annertuseriarsimallutik. Ataatsimut isigalugu sullitatta aningaasaqarnikkut ingerlalluarnerat taarsigassarsiaminnillu akilersuisinnaanerat nuannaarutigaarput, tamannalu pissutaalluni aamma aningaasaqarnikkut annaasaqarsimanermik imatorsuaq eqqaasassaqarnata,” Turið F. Arge, Bankivimmi pisortaaneq, oqarpoq.
Erniaqarluartumik ileqqaagaqarneq
Ukiormanna ulloq manna tikillugu erniat appariartorsimapput, taamaakkaluartoq Bankivimmi ileqqaagaqarluni erniaqarluartumik kontoqarnissaq periarfissaavoq. Nunarput tamakkerlugu aamma sullitavut nammineerlutik netbankikkut nittartakkakkullu ileqqaakkanut kontomik taamaattumik nammineerlutik pilersitsisinnaapput, periarfissarlu taanna atorluarneqaqaaq. Netbankerput sullitanut privatinut akeqanngimmat ileqqaakkanut kontomik pilersitsinissaq ajornaallunilu akikippoq. Ukiup affaani siullermi Kalaallit Nunaanni uninngatitaqarneq siorna piffimmut tassunga naleqqiullugu 15%-imik qaffariarsimavoq, tassuuna takusinnaavarput periarfissat digitaliusut atorlugit ajornaatsumik sukkasuumillu erniaqarluartumik bankimi ileqqaagaqartoqarsinnaalernera soqutigineqaqisoq.Sulisut nunaqavissut misilittagartuut
Sulisut nunaqavissut misilittagartuullu Bankivimmi sulisuupput, upernaarlu manna bankip Ka-laallit Nunaanni immikkoortortaqarfia aqutsisortaarpoq. Bankimi aqutsisut tassaalerput pisortat nunaqavissut marluk sullitanik, sulisunik inuiaqatigiinnillu ilisimasaqarluartut: Pia Holm Jensen, privatkundedirektøri, kiisalu Johanne Nive Mikkelsen, erhvervsdirektøri. Aqutsi-sut aallartilluarsimalereerput, aqutsisuulernerminniillu maannamut sullitaareersunit sullitaaler-sinnaasunillu attavigineqartarlutillu eqqartueqatigineqartarlutik.Bankip siulersuisuisa ukiup affaani aggersumi ineriartornerup ingerlaannarnissaa naatsor-suutigaat, ilimasuutigaallu 2025-mi ingerlatseqatigiiffiup naatsorsuutaasa inernerat akileraa-rutit peereerlugit 235 – 265 mio. kr.-it nalaaniissasoq. Taamaakkaluartoq ilimasuutit ilaatigut nalorninaatitaqalaarput, erniat ineriartornerat, nunarsuarmi eqqissiviilliornerit niuernikkullu sorsunnerup sakkortusisinnaanera peqqutaallutik.
Ingerlatseqatigiiffiup naatsorsuutaasa inerneri pingaarnersiukkat
- Akileraarutit sioqqullugit inernerat 190 mio. kr.-iuvoq
- Appartitsinerit sioqqullugit ingerlatsinerup inernera 142 mio. kr.-iuvoq
- Bankip taarsigassarsisitsinera 9,7 mia. kr.-iuvoq
- Bankip realkreditimik taarsigassarsisitsinera 2,9 mia. kr.-iuvoq
- Bankip uninngatitai 10,4 mia. kr.-iupput
Paasissutissat sukumiinerusut
Rúna N. Rasmussen, marketingchef tusagassiorfinnullu attavissaq, tlf.: +298 230 478