Bankivik atertaarnermi kingorna ingerlalluarsimasoq
2024-mi bankip aqutsisuisa aalajangiuppaat Kalaallit Nunaanni ingerlatsinerat atertaartinneqassasoq, taamaammallu atissarsiorlutik unammisitsisimallutik. Atermik immikkuullarissumik inuiaqatigiinnullu attuumassuteqarluartumik nassaarnissaq siunniunneqarpoq, taamaammallu bankip aqutsisui innuttaasunut ikioqqullutik atissarsiorlutik unammisitsipput. Unammisitsineq tupinnaannartumik soqutigineqarpoq, katillugillu atissatut siunnersuutigineqartut alutornavissut nuannersullu 3000-it sinnerpaat.
Atertaarnissaq suleqatigiissutigineqarpoq
Atermik pitsaanerpaamik nassaarumalluta dommerit pikkorissorsuit pissarsiaraagut, novembarillu naalernerani bankip atertaani Bankivik avammut saqqummiuppaa. Ateq immikkuullarissuuvoq, isumaatalu imarivai banki piviusorsiortoq, ilumoortoq torersumillu pissuseqartoq, ilisarnaatillu tamakku tamarmik bankip sullissinermini, sulisoqarnermini inuiaqatigiinnilu akuunermini pingaartitaanut attuumassuteqarluinnarput.
”Innuttaasut soqutiginnillutik peqataanerat assorsuaq nuannaarutigaarput, atertaarniarnitsinnilu taamarsuaq ikiuerusussuseqarnerat takuinnarlugu tupinnaqaaq. Ateq pilersitseqatigiinnermik suleqatigiinnermillu ersersitsisuulluinnarpoq, tamannalu tulluusimaarutigaarput,” Pia Holm Jensen, Bankivimmi privatkundedirektøri oqarpoq.
Ilisarnaataa nukittorsarneqartoq
Suliffeqarfik atertaaraangat ilisimaneqarnera ilisarnaataalu appariaateqarajuttarpoq. Taamaakkaluartorli Kalaallit Nunaata niuerfiani ilisarnaatit pillugit misissuisitsinerup takutippaa banki atertaarnermigut ilisimaneqarnerulersimasoq. ”Tamanna soorunami nuannaarutigalugulu maniguulluta tiguarput. Takusinnaavarput arlaatigut ajunngitsumik periuseqarsimalluta, uatsinnillu ilisimannittut iluarigaatigut,” Pia Holm Jensen oqarpoq.
Ilanngullugu oqaatigaa Kalaallit Nunaanni aningaasaqarnikkut toqqissisimanissaq bankimit sulissutigineqartoq. Bankimit neriuutigineqarpoq inuit kikkulluunniit inuussutissarsiortullu banki aningaasanut tunngasuni eqqartueqatissatut isigissagaat, taamaasillutillu pingaartitatik allat piffissaqarfiginerulissagaat, soorlu ilaquttatik, peqatigisartakkatik suliffeqarfilluunniit ingerlatartik.
Netbank akeqanngitsoq periarfissallu digitaliusut iluartut
Sullissiviit digitaliusut pitsanngorsarlugillu inerisarneqartuarnissaat Bankivimmi sulissutigineqartuartarpoq, taamaasillutik sullitat nammineerlutik aningaasaqarnertik malinnaavigisinnaanerussammassuk isumagisassatillu amerlasuut nammineerlutik isumagisinnaassallugit. Netbanki sullitat ulluinnarsiutigilernikuuaat, taamaammat Bankiviup Kalaallit Nunaanni bankini siullersaalluni 2024-mi sullitanut privatinut netbankeqarneq akeerutsippaa.
Tamatuma saniatigut bankimi sullitat sinerissami sumiikkaluarunik nammineerlutik netbankikkut ileqqaakkanut kontomik pilersitsisinnaalernikuupput. Sullitanut periarfissat allat aamma digitalinngorsarneqarnissaat bankimit sulissutigineqarpoq, tamakku sullitanut oqilisaataassammata.
Sulisut misilittagartuut nunaqavissullu sullitallu naammagisimaarinnittut
Bankivimmi sulisut sulisuupput nunaqavissut, pikkorissut misilittagartuullu, ullullu tamaasa inunnut privatinut inuussutissarsiortunullu siunnersuillutik sullissisarput. Bankip sullitat naammagisimaarinninnerannik misissuinerata takutippaa ataatsimut isigalugu sullitat bankip siunnersuinera sullissineralu naammagisimaaraat.
Sullitanik siunnersuigaangatta periutsitsinni tunngavigisarput tassaavoq pilersitseqatigiilluni suligaanni nalittorsaaneq, toqqissisimaneq, nukissaqarnerlu annerusoq tamanit anguneqartartoq. Taamaattumik bankip una oqaasinnaaraa: suli allanik pilersitseqatigiitta.