Johanne Nive Mikkelsen Bankivimmi inuussutissarsior-nermut pisortanngorpoq
Johanne Nive Mikkelsen Bankivimmi inuussutissarsiornermut pisortatut atorfinitsinneqarpoq. Taamaalilluni najugarisami ilisarisimaneqartoq sullitat pitsaasumik misigisa-qartinnissaat qulakkeerniarlugu aningaaserivimmilu niuernikkut siuariartornissamut siuttunngussaaq.
Maannamut Johanne Nive Mikkelsen Bankivimmi sullitanut inuussutissarsiortunut siunnersortitut atorfeqaraluarpoq, aningaaserivimmilu inuussutissarsiornermut pisortatut juunip aallaqqaataani atorfittaamini aallartissalluni. Aningaaserivimmi 2020-mi sulinini aallartippaa ukiunilu arlalinni aningaasaqarnerup silarsuaani misilittagaqarluni.
“Johanne inuussutissarsiornermut pisortatut nutaatut atorfinitsissinnaagatsigu nuannaarutigeqaarput. Nukittuutut ilisarisimaneqarpoq Kalaallilt Nunaanni inuussutissarsiornermut sullitatsinnullu ilisimasaqqortulluni. Tamatuma saniatigut pikkorilluinnartunik misilittagaqarluartunillu siunnersortinik suleqateqarpoq, taamaalillunilu inuussutissarsiornermut immikkoortortarput pitsaasumik aallaavissaqalerpoq sullitatsinnik suleqateqarnitta suli nukittorsarnerunissaanut,” taama oqarpoq Bankivimmi forretningsdirektøri Brian Smedemark.
Inuussutissarsiornermik pisortamik atorfinitsitsinermut peqatigitillugu aningaaseriviup aqutsisuisa aalajangersimavaat tuniniaanermut immikkoortortaq nukittorsarniarlugu inuussutissarsiortunut sul-lissisut pisortaannik atorfinitsitsinikkut, taamaaliornikkut Kalaallit Nunaanni niuerfimmi siuariartornissatsinnut anguniakkagut ikorfartorumallugit.
Najukkami aqutsisut misilittagallit
Taamaalilluni Kalaallit Nunaanni Bankivimmi aqutsisuulerput Pia Holm Jensen, privatkundedirektør, aamma Johanne Nive Mikkelsen, inuussutissarsiornermi pisortaq. Najukkami pisortat misilittagaqarluartut sullitanut, sulisunut inuiaqatigiinnullu ilisimaarinnilluartut.
“Qilanaarpunga atorfittaassanni nutaami aallartinnissannut, qilanaarpungalu Kalaallit Nunaanni niuerfimmi Bankiviup nangittumik pitsaasumik ineriartoqqinnissaanut sunneeqataasinnaanissannut. Suliassatut pingaarnerpaatut isigaara, Kalaallit Nunaanni inuussutissarsiornermik ingerlataqareersunut nutaanullu pitsaasumik siunersioqatigisartakkatut atuuffeqarnissarput. Tassami siunnersuisinnaaneq aningaasalersuinermillu periarfissat, aamma sullitatta alliartornissaannut iluatsitsinermillu angusaqarnissaannut periarfissat neqeroorutigaagut,” taama oqarpoq Bankivimmi inuussutissarsiornermut pisortaq nutaaq Johanne Nive Mikkelsen.
Paasissutissat annertunerusut
Brian Smedemark, forretningsdirektør, tel. +298 230555,
Johanne Nive Mikkelsen Bankivimmi inuussutissarsiornermut pisortaq, tel. 347905