Nuummi inuussutissarsiortunik siunnersortissarsiorpugut

Iluatsilluartumik ingerlatseqataarusuppit, sullitanillu iluarinnittunik pilersitseqataasinnaallutit? Inuussutissarsiortunik siunnersortitut suleqatiginiartigut, suliffeqarfitta aaqqissugaanerani sulisut tamarmik naligiipput, ulluinnarnilu suleriaatsimut aalajangeeqataanissamut periarfissaqartitaallutik.
Immikkoortortaqarfitsinni inuussutissarsiortunik privatinillu sullissisut katillugit 18-iuvugut, suleqatigiit eqeersimaartuuvugut, ulluinnarnilu nuannisaqatigiinneq ikioqatigiilluarnerlu pingaartitaralugit. Ulluinnarni qiimalluta naammassisaqarluarnissaq sullitatsinnullu pitsaanerpaamik siunnersuisarnissaq aallutaraagut.

Atugassarititaasut

  • Suliffinni sunniuteqaqataasinnaassaatit isumassarsiatillu piviusunngortissinnaallugit
  • Suliffik tamatigoortoq, piginnaasat tungaatigut inerisarneqarnissamik periarfissiisoq
  • Akisussaaffik annertooq angusarissaarnissamik periarfissiisoq, ingerlatseqatigiiffiup Nunani avannarlermiuusup iluani
  • Ingerlatseqatigiiffiup iluani suleqaterpassuarnut attaveqarneq

Suliassatit

Suliffeqarfiit mikinerit anginerumaallu arlallit sullitaralugit akisussaaffigissavatit, sullissinermi attaveqatigiinnissi ineriartortittuarnissaa ataavartinnissaalu suliniutigalugit. Ulluinnarni sullitatit qanimut attavigisarumaarpatit, ilaatigut sullitaareersunik ataatsimeeqateqarlutit, ilaatigullu sullitarilersinnaasannik ataatsimeeqateqarlutit; pingaarnertut sullitanik nutaanik pissarsiornissaq aallunneqarumaarpoq, niuerfimmi ineriartorneq annertoqimmat.

Inuussutissarsiortunik siunnersortitut Kalaallit Nunaat tamakkerlugu inuussutissarsiortunik sullitaqarumaarputit – suliffeqarfinnik tamalaanik, mikisunik angisuunillu – Nuummi sinerissamilu illoqarfinni anginerni (Aasianni, Sisimiuni, Ilulissanilu). Taamaammat illoqarfinnut taakkununnga angalasarnissat naatsorsuutigisinnaavat.

BankNordikimi sullitat paasinnilluarnissaat anguniagaraarput. Taamaammat sullissigaangatta sullitat naleqqatigalugit oqaluuttarpagut, oqaatsillu erseqqissut atugaralugit – aningaaserivimmiorpallannerit paasiuminaatsut atornagit! Aningaaserivimmiorpallannertaqanngitsumik sullissisoorusukkatta.

Imaattuuvutit

  • Aningaaserinermut tunngasumik ilinniagaqarsimavutit, allamilluunniit tulluuttumik ilinniarsimallutit. Kukkunersiuineq (revision) misilittagaqarfigigukku iluaqutaasinnaavoq. Pingaaruteqarpoq aningaaserinermut tunngasuni inuussutissarsiortutut sullissinermik misilittagaqarnissat.
  • Taarsigassarsisitsinermut tunngatillugu sinaakkutit pingaartitaraatit, eqeersimaarlutillu sullitassanik nutaanik pissarsiortartuullutit
  • Inuttut sullissilluarusuttuuvutit, pitsaasumillu eqeersimaartumillu siunnersuisarlutit. Sullitaq qitiutillugu sullissisarputit, taassumalu pisariaqartitai periarfissarisaalu aallaavigalugit siunnersuisarlutit.
  • Sullitanut suleqatinullu saaffigiuminartuuvutit, qiimasuugavillu ulluinnarni suleqatigiit iluanni pissutsit nuannersuunissaannut sunniuteqaqataasarlutit
  • Namminersorlutit sulilluarsinnaavutit, aammali suleqatikkuminartuullutit suleqatinnullu maligassiuisuullutit.
  • Anguniagassanik annertuunik piviusunngorsinnaasunik anguniagaqartarputit, unammillernartunillu suliassaqarneq nuannaralugu

Kalaallit oqaasii ilisimasaqarfigigukkit inuiaqatigiinnilu pissutsit misilittagaqarfigalugit tamanna iluaqutigisinnaavat – kisianni piumasaqaataanngillat. Taamaattorli piumasaqaataavoq akornuteqarani qallunaatut oqalussinnaanissaq allassinnaanissarlu.

Atorfininnermut atatillugu angalanermut nutsernermullu aningaasartuutit malittarisassat atuuttut malillugit akilissavagut. Ukioq ataaseq sulereeruit akissarsiannut ilanngullugu aapparisat qitornatillu 18-it inorlugit ukiullit ilagalugit akiliunneqarlusi angalasinnaassaasi. Sapinngisamik minnerpaamik ukiuni marlunni sulisinnaanissaq anguniarneqarpoq.

 

Qinnuteqarneq

Ilinnut piukkunnarpaluppa, imaluunniit suli sukumiinerusumik paasisaqarfigerusuppiuk? Erhvervsdirektørerput Thomas ”Tyt” Mogensen attavigisinnaavat telefonikkut 34 79 38-imut e-mailikkulluunniit tyt@banknordik.gl-imut saaffigalugu.

Qinnuteqaatinik nassitsikkaangatta kingunitsianngua oqaloqatiginninnissat isumaginiartarpagut, taamaammat piaartumik qinnuteqarnissat innersuussutigaarput. Innersuussut una toorlugu qinnuteqarfissamut ingerlateqqinneqassaatit.

Banki pillugu

BankNordik aningaaserinikkut ingerlatseqatigiiffiuvoq nukittooq Kalaallit Nunaanni, Danmarkimi, Savalimmiunilu bankimik ingerlatsisoq. Massakkut ineriartornikkut pissanganangaatsiartunik atugaqarpugut - illillu tamakkunani ilaasinnaavutit.

Anguniagarput

"Illit eqqortumik toqqaanissat pisariillisassavarput" - tamanna sullissinitsinni anguniagaraarput. Siunnersuinitsinni sullitatsinnut nalitunerulersitsinissaq pingaartitaraarput, sullitatta ataatsimeeqatigiinnitsinni arlaatigut pissarsiaqartutut misigisimanissaa kissaatigaarput. Aamma sullitatta aningaasaqarnerminik siunnersorneqarnerminillu paasinnilluarnissaat akisussaaffigaarput - tassunga atatillugu oqariartaatigaarput "Siunnersuut kikkulluunniit paasisinnaasaat".

Aamma sianerfigisinnaavatsigut

34 79 00