Nunatsinni inuussutissarsiortunut siunnersortaaneq misilikkusuppiuk? BankNordikimi inuussutissarsiortunut immikkoortortaqarfitsinni suliavut annertusiartuinnarput, taamaammat suleqatissarsiorpugut.

Atorfik pillugu

Inuussutissarsiortunik immikkoortortaqarfitsinni suleqatigiinnut eqeersimaartunut pikkorissunullu katillugit arfiniliusunut ilanngutissaatit, Kalaallit Nunaat tamakkerlugu sullitanik inuussutissarsiortunik sullisseqataallutit. Sullitat assigiinngitsut akisussaaffigissavatit, pingaarnertut Nuummiittut, ilaatigulli aamma sinerissaminngaanneersuusinnaallutik, kiisalu sullitassanik inuussutissarsiortunik nutaanik ujartuinitsinni aamma suleqataassallutit.

Inuussutissarsiortunik sullissinitsinni sullitaq aallaavigalugu tamatigoortumik pitsaassuseqarluartumillu sullissinissaq pingaartitaraarput. Sullissigaangavit suleqatit saaffigineqarsinnaasut sorpassuarnik ilisimasaqarluartut saaffigisinnaasassavatit, taamaasillutillu sullitatit pitsaanerpaamik misigisaqartissinnaassallugit.

Illit pillutit

Atorfimmi tassani suliffeqarfinnik inuussutissarsiortunik akunnattunik angisuunillu siunnersuinermik misilittagaqarsimaguit, kreditvurderingimut tunngasunik misilittagaqaruit naatsorsuutinullu tunngasunik ilisimasaqarluaruit iluaqutigisinnaavatit.

Suliassanut tunngatillugu ilisimasaqarnissap saniatigut sullitanut suleqatinullu saaffigiuminarlutillu sullisserusussuseqarluarnissat pingaaruteqarpoq, suleqatigiinnerullu nuannersuutinnissaanut suleqataanissat. Tamakkua saniatigut namminersorluni sulisinnaanissaq, eqeersimaartuuneq, naammassisaqarluarusunnerlu pingaartitaraagut, sullitanullu nutaanut attaveqarluarsinnaanissaq.

Kalaallit Nunaanni inuiaqatigiinnik ilisimasaqarluarneq kalaallisullu oqaatsinik atuisinnaaneq iluatinnarput, piumasaqaataanatilli.

Uagut pilluta

Ingerlatseqatigiiffimmi BankNordikimi sulileruit suleqatigiinnut 200-inik sinneqartunut Kalaallit Nunaanni Savalimmiunilu sulisunut ilanngutissaatit, suliffeqarfik siuarsimasuuvoq, pikkoriffitsigut siuarsaanermik immikkoortortaqarfiillu akimorlugit suleqatigiinnermik pingaartitsisuulluni. Atorfik pissanganartuuvoq, unammillernartoq akissarsiaqarluartorlu, inuttut suliassatigullu ineriartornissamut periarfissaqarluartuuvoq, suleqatigiinni nuannersuni eqeersimaartunilu.

Atorfimmut atatillugu inissamik periarfissaqarpoq, aammalu atorfininnermut soraarnermullu atatillugu angalanissamut akiliutsinnissamut, pisattallu assartorneqarnissaannut, kiisalu atorfimmik isumaqatigiissusiaq naapertorlugu akileraarnermullu malittarisassat naapertorlugit akiliutsilluni feeriarnissamut periarfissaqarluni.

Soqutiginnippit?

Atorfik paasisaqarfiginerorusukkukku Nunatsinni pisortaq Jesper Hansen attavigisinnaavat, mobil +299 52 68 18 imlt. e-mail jha@banknordik.gl. Ugguuna qinnuteqarsinnaavutit.

Kingusinnerpaamik qinnuteqarfissaq novemberip 19-iat, kisianni killiliussaq utaqqinngikkaluarlugu oqaloqatiginninnerit tulleriiaarlugit ingerlattarpagut.