Sullitat
Sullitat
Ullutsinni pissutsit nutarsarneqaraluttuinnarput, inuiaqatigiillu akuuffigut assigiinngisitaarlutillu allanngorartuarlutik. BankNordikimi sullitatta qitiutittuarnissaat sulissutigaarput. Akisussaassuseqarneq tatigeqatigiinnerlu tunngaviliullugit sullitat ataavartumik kiffartuussinnaanissaat anguniagaraarput, tamanna sullitatsinnut uatsinnullu naleqarnerulersitsissammat. Niuernikkut ingerlatsinitsinni sullissilluarnissarput aalajangiisuummat, CSR-imik suliaqarnitsinni sullitavut soorunami pingaaruteqarput. Sullitatsinnut tunngatillugu suliniutivut ataani paasisaqarfiginerusinnaavatit.
Paasinartumik siunnersuineq
Bankip anguniagaraa paasinartumik sullitamullu tulluarsakkamik siunnersuinissaq. Siunnersortivut pikkorillutillu, eqeersimaarlutillu akuussapput, sullitallu eqqortumik toqqaanissaa pisariillisassallugu. Sullitanik isumaginninnitsinni tunngavigaagut tulluarsakkamik siunnersuineq, aningaasaqarneq aalajaatsoq, akisussaassusilimmillu taarsigassarsisitsineq; bankip taarsigassarsianut tunngatillugu periusaa og kreditvurderingsmetoder aallaavigalugit.
Siunnersuillaqqinnerpaajorusuppugut – taamaammat siunnersortivut pikkorissuusariaqarput, taamaattumillu ilinniaqqittuarlutik pikkorissartuarnissaat ingerlattuarparput. Siunnersuineq sullitamut tulluarsagaq, kialuunniit paasisinnaasaa.
Inuttut aningaasaqarnikkut akisussaassuseqarneq
Inuttut aningaasatigut ingerlalluarnissarput imminut naammagisimaarnissamut pingaartittarparput. BankNordikimi sullitavut aningaasaqarnikkut akisussaassusilimmik pissusilersornissamut siunnersorusuppagut. Aningaasaqarnikkut akisussaassuseqarneq sullitamut bankimullu iluaqutaassaaq. Attaveqaatit assigiinngitsut atorlugit akisussaassusilimmik aningaasaqarneq pillugu kajumissaariisarpugut. Assersuutigalugu inoqatinut attaveqaatit aqqutigalugit sullitanut paasissutissiineq iliuusissatut aalajangiunnikuuarput, tassuuna aningaasaqarnermut tunngasunik iluaqutissanik naleqarnerulersitsisussanillu siunnersuisarluta.
BankNordikip 2016-imi Ungdomsbanken pilersippaa, siunnersorteqarfik sullitanut inuusuttunut saaffiginnittoq, inuusuttunut tulluarsagaq.
Ungdomsbankenip siunertaraa akisussaassuseqarneq tatigeqatigiinnerlu tunngavigalugit sullitanik ataavartumik kiffartuussinissaq, aammalu inuusuttut inersimasut akornannut appakaannissaannut aningaasaqarnikkut piareersarnissaat. Tamanna anguniarlugu Ungdomsbankenimi siunnersuineq kiffartuussinerlu inuusuttut silarsuaannut atugarisaannullu tulluarsarlugu ingerlanneqarpoq.
Uatsinni periarfissatit paasisaqarfiginerorusuppigit?
Uunga sianerfigitigut