BankNordik-legatinnattuupput Aviannguaq aamma Elias

BankNordik-legati 25.000 kr.-inik naleqartoq ukiumut marloriarluni ilinniartunut kalaallinut marlunnut tunniunneqartarpoq. Legati ilinniarnerup nalaani ulluinnarni aningaasaqarnikkut oqilisaatissatut tunniunneqartarpoq.

”Inuusuttut ilinniagaqarnissaat inuiaqatigiinnut pingaaruteqarpoq, tamatumuunalu tapersersueqataasinnaanerput nuannaarutigaarput. Kinguaariit tullinnguuttut pikkoriffiisa ilinniagaasalu qaffassarneqarnissaat pisariaqarpoq. Legatimik tunniussisarnerput aqqutigalugu ilinniarnerminnik naammassisartut amerlanerunissaannut sunniuteqaqataasinnaagutta angorusutarput angusimassavarput.” René Sørensen Nuummi Privatkundedirektøriusoq oqarpoq.

Novembarimi Elias Rotvig Rowedder aamma Aviannguaq Kreutzmann legatinnattuupput. Tamarmik isumaqarput legati ilinniarnermi nalaanni pissanganartunik periarfissiisoq.

Elias University of Manchesterimi ilinniartuuvoq, taassumalu legatinnannerminit aningaasat nunani allani ilinniarnermut atatillugu aningaasartuutiminut atorniarpai. Aviannguaq Københavnimi ilinniartuuvoq, aalajangersimavorlu qaammatini pingasuni Nuummi Dronning Ingridip Napparsimaviani praktikkerniarluni. Tamatumuuna legatinnattut tamarmik Kalaallit Nunaata avataani ilinniartuupput ilisimalersimasatillu nutaat nunatsinnut angerlaakkusullugit, taamaasillutillu inuiaqatigiinnut iluaqutaassaqalutik.

Tulliani BankNordik-legatinnakkumalluni qinnuteqarfissaq kingulleq tassaavoq 12. marts 2019. Siornatigut qinnuteqarsimasut itigartitaasimasut aamma qinnuteqaqqissinnaapput.

banknordik.gl/legat iserfigalugu paasisaqarnerullutillu qinnuteqarsinnaavutit