BankNordik Creative Circle Awardimi nersornaatisivoq

Tallimanngormat Danmarkimi nutaaliortunik nersornaasiiniarluni aaqqissuussinerit annersaanni Creative Circle-mi ukiumi qaangiuttumi nutaaliornerit pitsaanerpaat nersorniarneqarput. BankNordik sammisami ”Digital / Technology Driven Promo & Activation”-mi bronzennappoq, tassanilu tunngavigineqarpoq bankip Danmarkimi nittartagaani paasinanngitsunut toortagaa (volapyk-knappen).

Paasinanngitsunut toortagaq nittartakkamik atuisut paasinartinngisaqaraangamik toorsinnaavaat, taamatullu allataq paasiuminaatsoq atuaruminarsarneqartussanngortillugu nalunaarutigalugu. Naliliisut toortagaq taanna nutaaliaasutut iluatsilluarsimasutullu nalileramikku nersornaat bronzeusoq BankNordikimut tunniunneqarpoq.

BankNordikip sullitaminut attaveqaatimini paasiuminarsaaneq siunertaralugu suliniuterpassuisa ilagaat paasinanngitsunut toortagaq. Pilersaarutit malillugit paasinanngitsunut toortagaq ukioq manna bankip nunatsinni nittartagaani aamma atuutilersinneqassaaq. Toortagaq uani paasisaqarfiginerusinnaavat www.volapykfri.nu