Aallaleruit marlunnik korteqarnissat eqqaamallugu
Ukiut tamaasa inuppassuit nunani allani angalatillutik kortimik akiliiniarlutik itigartitaasarput - ilaatigut atuinermut killiliussat kortimut atuuttut pissutaallutik.
Taamaammat innersuussutigaarput angalagaanni ataasiinnaanngitsumik korteqartarnissaq. Ilaatigut atuinermut killiliussanik qaangiisimalluni akiliisinnaajunnaarneq pinngitsoortinniarlugu, aammali korti ataaseq tammassagaluarpat sillimmatissaqarniassagavit.
Aallartinnak siunnersuutit
- Aallaleruit marlunnik korteqarit
- Atuinermut killiliussat eqqumaffigikkit
- Ulloq kortip atorunnaarfissaa eqqumaffigiuk
- Kreditkort pisariaqartissanerlugu eqqarsaatigiuk
- Kortivit paasissutissartaani allannguutit nalunaarsortakkit
- Angalanermut sillimmasernissat eqqaamallugu
Angalanermut sillimmasiineq
Kortitaarniaruit sillimmasiinertaqassanersoq eqqarsaatigigiuk. Mastercard kreditkortit tamarmik angalanermut sillimmasiinertaqarsinnaapput.
Biilinik attartorniarpit?
Nunani allani biilinik attartorniaruit kreditkorteqarnissat innersuussutigaarput, biilinik attartortarfiit amerlanerit debetkortimik akileeqqusineq ajoramik. Visa/Dankort debetkortiuvoq, Mastercardilu debetkortiusinnaallunilu kreditkortiusinnaavoq.
Kortivit paasissutissartaani allannguutit nalunaarsortakkit
Akiliissutaasumik kortimik nutaamik peqqammeruit kortit atorlugu akiliillutit pisartakkatit eqqaamalaarigit. Akiliinerit tamakku kortinnit nammineq ilanngaassutigineqartarnerat ingerlaannassappat kortip paasissutissartai nutaat nalunaarsortariaqassavatit. Danmarkimi feeriarlutit ikaartarfinni ikaarniaruit (Øresund Storebæltiluunniit) taava internetikkut Brobizz ajorpat imaassinnaavoq kortivit paasissutissartaasa nutaanngorsimanerat peqqutaasoq.
Siusissukkut inniminniisarit
Kortimik inniminneereeruit tikinnissaanut sapaatip akunneri pingasut ingerlasinnaapput, taamaammat siusissukkut inniminniisarit.
