Mastercard Platinum
Mastercard Platinum kortini akiliissutini akimanerpaat ilagaat. 100.000 kr.-it tungaannut aningaasanik pisassartaqarpoq (kredit), ullullu 42 tungaanut erniaqanngitsumik krediteqarsinnaavutit. Ilaqutariinnut ataatsimik korteqarnissaq periarfissaavoq, aapparisamut qitornamulluunniit najukkannut 18-ileereersimasumut, aammalu akeqanngitsumik angalanermut sillimmasiinertaqarluni. Tamakku tamaasa atugaralugit ulluinnarni oqilisaataassaqaaq.
Mastercard Platinum nunarsuaq tamakkerlugu sumiiffinni 29 mio.-inik sinnilinni atorneqarsinnaavoq. Assersuutigalugu Danmarkimi pisiniarfissuarni, pisiniarfeeqqani, neriniartarfinni internetimilu pisisarfinni tusindilippassuarni atorneqarsinnaavoq.
Mastercard Platinum
- Aningaasat pisassat (kredit) annerpaamik 250.000 kr.
- Ullormut aningaasat tiguneqarsinnaasut: 10.000 kr.
- Angalanermut sillimmasiineq
- Pisianut sillimmasiineq
- Mittarfinni isersimaartarfinnut isersinnaatitaaneq (Lounge)
Mastercard Platinum aamma makkuninnga iluatissartaqarpoq
Sillimmaserluarsimalluni angalaneq isumannaatsoq
BankNordikimit kortini sillimmasiinerit pitsaanerpaat Mastercard Platinum aqqutigalugu pissarsiarissavatit, taakkulu ilinnut ilaquttannullu sillimmasiissutaapput. Sillimmasiineq ilaatigut tassaapput angalatilluni ajutoorneq, angerlamut ingerlanneqarneq, erstatningsdøgn il. il. Angalanissat kortinnik akilerneqarsimasariaqanngilaq.
Sillimmasiinerup atuuffii ilaniarukkit annertusarlugilluunniit tamanna aamma periarfissaavoq.
Pisianut sillimmasiineq annertusagaq
Mastercard Platinumeqaraanni igaffimmi errorsisarfimmilu atortorissaarutinik elektronikkillu ilaannik pisinermi sillimmasiineq annertusagaq atuutissaaq. Sillimmasiinikkullu pisianik naammagittaalliuuteqarsinnaatitaaneq ukiut pingasut tungaannut sivitsorneqassaaq. Sillimmasiineq aatsaat atuutissaaq pisiaq kortinnik akilersimagukku.
Priority Pass
BankNordikimi Platinumimik korteqartut tamarmik Priority Passeqarsinnaatitaapput, taamaasillutillu mittarfinni isersimaartarfinni Priority Pass Loungenut isersinnaatitaallutik. Nunarsuaq tamakkerlugu illoqarfinni assigiinngitsuni 400-ni Priority Pass Loungeqarpoq - sumiinnersut uani takusinnaavatit www.prioritypass.com. Isernermut akit mittarfimmit mittarfimmut nikerarput.
Priority Passimut ilaasortanngorusukkuit immersugassaq ataaniittoq immersoriarlugu uatsinnut nassiussinnaavat.
Ilaqutariinnut korti
Mastercard kreditkorteqaruit aappannut qitornannullu 18-ileereersimasunut ineqatigisannut ilaqutariinnut kortimik inniminniisinnaavutit. Sillimmasiinerit immikkullu kiffartuussinerit allat ilaqutariinnut kortinut ilanngunneqarsinnaanngillat. Sillimmasiinerit kortimut pingaarnermut taamaallaat atuuttarput. Ilaqutariinnut kortimut akiliutit akigitanut nalunaarsuutini takukkit.
Kortit pillugit paasissutissat
Kortitaarumallunga qanoq qinnuteqassaanga?
Kortitaarniaruit bankimut attaveqassaatit.
Kortimik piniarsimaguma qaqugu tigussavara?
Kortimik piniarsimaguit sap. ak. 2-3 qaangiuppata tigussavat.
Kortitaarsimaguma qanoq atulersinnaavara?
Kortit atorniarukku ammarteqqaassavat. Kortimik nassitsikkuit ammarnissaanut ilitsersuut ilanngullugu tigussavat.
Kalaallit Nunaanni kortinnik qanoq atuitigisinnaavunga?
Nunani allani kortimik atuisinnaanera killeqarpa?
Nunani allani kortit atoraangakku atuinissamut killiliussat akiliutillu assigiinngitsut eqqumaffigisassaapput.
Tamanut pinkode ataaseq qanoq isumaqarpa?
Pinkode ataaseq kortinut ukununnga atuutsilersinnaavat:
- Dankort
- Visa/Dankort
- Visa Electron
- MasterCard Kredit
- MasterCard Debit
Pinkode ataaseq tamanut atorniarukku qanoq iliussaanga?
Ataatsimik pinkodeqarniaruit bankimut attaveqassaatit.
Mastercard atoraangakku qaqugukkut ilanngaavigineqartassaanga?
Mastercardit qaammatikkaartumik ilanngaavigineqartartutut aaqqissuunneqarsimappat, taava qaammat naatinnagu ullut bankip ammaffii arfineq-marluinnanngorsimagaangata qaammammut akiliutit ilanngaatigineqartussat naatsorsorneqartarput. Qaammatip taassuma ulluisa 20.-ni 21.-niluunniit pigajuttarpoq. Ilanngaassineq pisarpoq qaammatip tulliani ullormi bankip ammaffiani siullermi.
Assersuut: Januaarip ulluisa 10.-ni 1.500 kr. atorsimagukkit, taava 13.-ni 300 kr., kiisalu 27.-ni 1.000 kr. atorsimallugit, taava februaarimi ullormi bankip ammaffiani siullermi 1.800 kr.-inik ilanngaaffigineqassaatit. 1.000 kr.-it januaarip 27.-ni atorsimasatit aatsaat martsimi ilanngaassutigineqassapput.
Kortiga qaangiuttoorpat qanoq iliussaanga?
Iliuuseqartariaqanngilatit. Kortimik nutaamik nassinneqassaatit.
Korti qaangiuttoortinnagu qanoq nutaamik piniassaanga?
Nutaamik piniarnissaq pisariaqanngilaq. Kortit qaangiutsinnagu BankNordikip taartissaanik nassissavaatit.
Kortiga qanoq matutissavara?
Nammineerlutit Netbankikkut Mobilbankikkulluunniit kortit matutissinnaavat. Aamma uatsinnut Netsimulluunniit saaffiginnissinnaavutit.
Bankip ammasarfiisa iluanni kortimik matutitsineq
- Sianerfissaq 34 79 00, aamma Nuummi immikkoortortaqarfitsinnut ornigussinnaavutit
Ataasinng.-sisamanng. nal. 9.30 - 15.30
Tallimanngorneq nal. 9.30 - 15
Bankip ammasarfiisa avataanni kortimik matutitsineq
- Ukuninnga matutitsiniaruit: Visa/Dankort, Dankort, Hævekort
Sianerfissaq tlf.: +45 44 89 29 29 - Mastercardimik matutitsiniaruit
Sianerfissaq tlf.: +45 44 89 27 50
Nets sianerfigigukku apeqqutit uku apeqqutigineqassapput:
- Atit
- Najukkat
- Aningaaserivigisat
- Kortip normua, kontunormu imaluunniit inuup normua
Taava kortit matussavaat, atorsinnaajunnaarsillugu.
Kortiga ajorpat qanoq iliussaanga?
Kortit ajorpat bankimut attaveqassaatit.
Kortiga atornerlunneqarsimappat imaluunniit tammarsimappat qanoq iliussaanga?
Kortit tammarsimappat imaluunniit atornerlunneqarsimappat ingerlaannaq matutissavat.
Bankip ammasarfiisa iluanni kortimik matutitsineq
- Sianerfissaq 34 79 00, aamma Nuummi immikkoortortaqarfitsinnut ornigussinnaavutit
Ataasinng.-sisamanng. nal. 9.30 - 15.30
Tallimanngorneq nal. 9.30 - 15
Bankip ammasarfiisa avataanni kortimik matutitsineq
- Ukuninnga matutitsiniaruit: Visa/Dankort, Dankort, Hævekort
Sianerfissaq tlf.: +45 44 89 29 29 - Mastercardimik matutitsiniaruit
Sianerfissaq tlf.: +45 44 89 27 50
Nets sianerfigigukku apeqqutit uku apeqqutigineqassapput:
- Atit
- Najukkat
- Aningaaserivigisat
- Kortip normua, kontunormu imaluunniit inuup normua
Taava kortit matussavaat, atorsinnaajunnaarsillugu.
Pinkodera puigorsimagukku qanoq iliussaanga?
Pinkodit puigorsimagukku bankimut attaveqassaatit, taava pinkoditaartissavaatsit.
Kortikka ataatsimoorullugit sumi takusinnaavakka?
Netbankimi kortit suut piginerlugit ataatsimut takusinnaavatit.
Netbankimut iserit – konti og betalinger tooruk – kort tooruk.
Kortinnut atatillugu sillimmasiinerit suut atuuppat?
BankNordikimit MasterCardit amerlanertigut sillimmasiinertaqartarput. Kortit assigiinngitsut sillimmasiinerillu assigiinngitsut pillugit kortit assigiinngitsut allaaserineqarneranni paasisaqarnerusinnaavutit.
