Misissuinerup nutaap takutippaa kalaallit qanoq anguniagaqarnersut
Illutaarnissaq, angallat, nunarsuarmi kaajallallugu angalaarneq, ilinniagaqarnissarlu – misissuineq nutaaq naapertorlugu tamakkuupput kalaalerpassuit anguniagarisaat.
Ukioq 2022 aallartimmat coronamik tunillatsissimasut amerlasoorujussuupput, killilersuinerillu sakkortoqalutik. Taamaalinerani annertoorsuarnik anguniagaqarnissaq immaqa takorlooruminarpallaanngilaq. Kalaallilli qanormitaava anguniagaqarpat? Piffimmi tassani siunissaq pillugu eqqarsaatersorfissaqqissumi BankNordikip apeqqut taanna inuiaqatigiinnut apeqqutigaa.
Apersuineq BankNordik sinnerlugu suliffeqarfimmit misissuisartumit Aperaa-mit suliarineqarpoq. Tassani erserpoq kalaallit inuunerminni anguniagaat eqqarsaatigalugit 45%-it illusinissaq eqqarsaatigigaat, 38%-it angallatitaarnissaq, 37%-it nunarsuaq kaajallallugu angalanissartik, 30%-illu ilinniagaqarnissartik.
”Inuit aningaasaliissutigisartagaasa annersaat tassaagajuppoq illusineq, inigisarpullu inuunitta annersaani avatangiiserisarparput. Taamaammat kalaallit anguniagaattut pingaarnertut inissisimanera tupigisassaanngilaq. Taamaattorli anguniakkat tigussaanngitsut pingaartinneqarneri soqutiginarpoq, soorlu ilinniagaqarneq, nunarsuarlu kaajallallugu angalaneq. Nalunngilarput inuiattut ineriartornerput ingerlaannassappat ilinniakkamik qaffasinnerusumik naammassinnittut amerliartornissaat pingaaruteqartoq, tamannalu eqqarsaatigigaanni inuppassuit ilinniagaqarnissamik anguniagaqarnerat misissuinermi takutinneqartoq nuannaarutissaalluinnarpoq.” René Sørensen, BankNordikimi privatkundedirektøriusoq oqarpoq.
Anguniagaq piviusunngortinneqartoq
Misissuinermi apersorneqartut aamma anguniakkamik piviusunngortinnissaannit qanoq ungasitsiginerlutik aperineqarput. Illumik, angallammik, illuaqqamilluunniit pisinissamik anguniagaqartut eqqarsaatigigaanni 60%-iisa siunissami piviusunngortinnissaa pilersaarutigivaat, tassungalu atatillugu isumalluarneq annertulluni. Namminersulernissamik anguniagaqartut eqqarsaatigalugit aamma taamaappoq, aperineqartullu 21%-iisa taanna anguniagarinerarpaat. Taakkua affaat sinnerlugit siunissami piviusunngortinnissaa pilersaarutigivaat.
Akerlianilli ulloq tamaat sulisarunnaarlutik ullup ilaannaa sulilernissamik angusaqarusukkaluartut qiviarutsigit taakkua 34%-iisa ajoraluartumik anguniakkamik piviusunngortinnissaa naatsorsuutiginngilaat. Siusissukkut soraarninngornissamik anguniagaqartut aamma taamatukanneq inissisimapput. ”Siusissukkut soraarninngorsinnaanerup annikinnerusumilluunniit sulilersinnaanerup piviusunngortinnissaa ajoraluartumik kalaallinit assut ajornassangatinneqarpoq. Akissutigineqartut peqqutai ilisimanngikkaluarlugit ilimagineqarsinnaavoq aningaasaqarniarneq toqqissisimannginnerlu tassani peqqutaaqataasut,” René Sørensen oqarpoq.
Tamannarpiaq peqqutaalluni René Sørensenip oqaatigaa bankimut attaveqarneq iluaqutaasinnaasoq, banki suleqatigalugu pilersaarusiortoqarsinnaammat inuunermi anguniakkat takorluugaannaajunnaarlutik piviusunngortinnissaannut. ”Sullitavut aningaasaqarniarneranni ikiorusuppagut, kissaatigisatik malillugit inuuniassammata – angallatitaarniarunik, nunarsuaq kaajallallugu angalaniarunik, imaluunniit meeqqat mikineranni ullup ilaannaa sulisarnissaq akissaqartilerusukkunikku.”
Ukioq 2022 aallartimmat coronamik tunillatsissimasut amerlasoorujussuupput, killilersuinerillu sakkortoqalutik. Taamaalinerani annertoorsuarnik anguniagaqarnissaq immaqa takorlooruminarpallaanngilaq. Kalaallilli qanormitaava anguniagaqarpat? Piffimmi tassani siunissaq pillugu eqqarsaatersorfissaqqissumi BankNordikip apeqqut taanna inuiaqatigiinnut apeqqutigaa.
Apersuineq BankNordik sinnerlugu suliffeqarfimmit misissuisartumit Aperaa-mit suliarineqarpoq. Tassani erserpoq kalaallit inuunerminni anguniagaat eqqarsaatigalugit 45%-it illusinissaq eqqarsaatigigaat, 38%-it angallatitaarnissaq, 37%-it nunarsuaq kaajallallugu angalanissartik, 30%-illu ilinniagaqarnissartik.
”Inuit aningaasaliissutigisartagaasa annersaat tassaagajuppoq illusineq, inigisarpullu inuunitta annersaani avatangiiserisarparput. Taamaammat kalaallit anguniagaattut pingaarnertut inissisimanera tupigisassaanngilaq. Taamaattorli anguniakkat tigussaanngitsut pingaartinneqarneri soqutiginarpoq, soorlu ilinniagaqarneq, nunarsuarlu kaajallallugu angalaneq. Nalunngilarput inuiattut ineriartornerput ingerlaannassappat ilinniakkamik qaffasinnerusumik naammassinnittut amerliartornissaat pingaaruteqartoq, tamannalu eqqarsaatigigaanni inuppassuit ilinniagaqarnissamik anguniagaqarnerat misissuinermi takutinneqartoq nuannaarutissaalluinnarpoq.” René Sørensen, BankNordikimi privatkundedirektøriusoq oqarpoq.
Anguniagaq piviusunngortinneqartoq
Misissuinermi apersorneqartut aamma anguniakkamik piviusunngortinnissaannit qanoq ungasitsiginerlutik aperineqarput. Illumik, angallammik, illuaqqamilluunniit pisinissamik anguniagaqartut eqqarsaatigigaanni 60%-iisa siunissami piviusunngortinnissaa pilersaarutigivaat, tassungalu atatillugu isumalluarneq annertulluni. Namminersulernissamik anguniagaqartut eqqarsaatigalugit aamma taamaappoq, aperineqartullu 21%-iisa taanna anguniagarinerarpaat. Taakkua affaat sinnerlugit siunissami piviusunngortinnissaa pilersaarutigivaat.
Akerlianilli ulloq tamaat sulisarunnaarlutik ullup ilaannaa sulilernissamik angusaqarusukkaluartut qiviarutsigit taakkua 34%-iisa ajoraluartumik anguniakkamik piviusunngortinnissaa naatsorsuutiginngilaat. Siusissukkut soraarninngornissamik anguniagaqartut aamma taamatukanneq inissisimapput. ”Siusissukkut soraarninngorsinnaanerup annikinnerusumilluunniit sulilersinnaanerup piviusunngortinnissaa ajoraluartumik kalaallinit assut ajornassangatinneqarpoq. Akissutigineqartut peqqutai ilisimanngikkaluarlugit ilimagineqarsinnaavoq aningaasaqarniarneq toqqissisimannginnerlu tassani peqqutaaqataasut,” René Sørensen oqarpoq.
Tamannarpiaq peqqutaalluni René Sørensenip oqaatigaa bankimut attaveqarneq iluaqutaasinnaasoq, banki suleqatigalugu pilersaarusiortoqarsinnaammat inuunermi anguniakkat takorluugaannaajunnaarlutik piviusunngortinnissaannut. ”Sullitavut aningaasaqarniarneranni ikiorusuppagut, kissaatigisatik malillugit inuuniassammata – angallatitaarniarunik, nunarsuaq kaajallallugu angalaniarunik, imaluunniit meeqqat mikineranni ullup ilaannaa sulisarnissaq akissaqartilerusukkunikku.”