Erniat qaffaqqilerput

Oktobarip 27.-ni Europami centralbankip (ECB) nationalbankillu erniat qaffappai, tassungalu atatillugu BankNordikip uninngatitanut taarsigassarsianullu erniat qaffalerpai.

Uninngatitanut kontonut nalinginnaasunut, soorlu aningaasarsianut ingerlatsinermulluunniit kontonut, erniat allanngussanngillat, akerlianilli ileqqaakkanut soraarnermusianullu kontot erniaat 0,85%-point p.a. tikillugu qaffanneqassapput, taarsigassarsianullu kontot 0,60%-point p.a.-p tungaanut qaffanneqassallutik. Allannguutit sullitanut privatinut inuussutissarsiortunullu atuutissapput.

Erniat allanngornerat sullitanut inuussutissarsiortunut decembarip 5.-ni atuutilissapput, januaarillu 5.-ni sullitanut privatinut atuutilissallutik. Taamaattorli ineqarnermut tunngasunut taarsigassarsianut erniat februaarip 6.-ni qaffanneqassapput.