Soraarninngulerpunga
Soorunami apeqqutaavoq pigisatit (aningaasat, pappialat nalillit, illup akiitsut saniatigut nalinga, pensionimullu ileqqaakkatit) qanoq isikkoqarnersut, kisianni pensionimut ileqqaakkavit qanoq tiguniarneri aamma apeqqutaasorujussuuvoq.
Ileqqaakkavit tigunissaat pilersaarusiorluarukku iluanaarutigingaatsiarsinnaavat. Pilersaarusiorneranni ikiorsinnaavatsigit.
Soraarninngornissannut eqqarsaatigisassat
Soraarninngortinnak piffissaqarluartillutit makku eqqarsaatiginiarigit:
- Soraarninngoruit aningaasat qanoq amerlatigisut pisariaqartittassavigit?
- Pensionimut ileqqaakkavit saniatigut soraarninngornissannut ileqqaakkanik nalilinnilluunniit allanik isumalluutissaqarpit?
- Massakkut inigisanniiginnarniarpit?
Soraarninngornissannut piareersarnerit
Soraarninngornissannut aningaasaqarnikkut annertunerusumik allannguisariaqassaguit qujanartumik periarfissarpaaloqarputit.
Siusissukkut oqaloqatigitigut
Innersuutigaarpummi - siusissukkut - pensionissavit katiternissaa tigunissaatalu piareersarnissaa pillugu ataatsimeeqatigissagitsigut. Ullutsinni utoqqarsuanngortut amerliartuinnarmata pensionimut ileqqaakkat sivisunerusumut naammattariaqalernikuupput... taamaammat ullussanni kingullerni nunguutsinianngikkuit pilersaarusiortariaqarput.
Innersuussutigaarput ukiut pingasukkaarlugit imlt. tallimakkaarlugit pensionimut tunngasut pillugit ataatsimiigiartarnissat - pisariaqartitsileraangavilluunniit, inuunerit annertunerusumik allanngoraangat.
Isertitatit annikillippata atuinerit qanoq oqimaaqatigiissarnissaanut siumullu aningaasaqarninnik pilersaarusiornissannut siunnersortivit ikiorsinnaavaatit.
Pilersaarusiorit - siunissaq qaninnerusoq ungasinnerusorlu eqqarsaatigalugit
Siunissaq qaninnerusoq eqqarsaatigalugu aningaasartuutaasartut anginngitsut ilaat annikillisinneqarsinnaassapput, soorlu pisartakkanut, atuagassianut, neriniartarfinnullu aningaasartuutit, immaqalu ileqqaakkat ilaat unitsikkallarneqarsinnaallutik.
Siunissaq ungasinnerusoq eqqarsaatigalugu imaassinnaavoq annertunerusumik allannguisariaqartutit, soorlu ineqarnermut, angallammut biilinulluunniit aningaasartuutaasartut misissoqqissaarlugit. Imaassinnaavoq aamma taarsigassarsiat akilersorunnaarallarneqarsinnaasut.
Soraarnermusiassatit aaqqissuutikkit
Attavigaluta sukumiinerusumik paasisaqarit