Immikkut meeraqarussi, meeraqaqatigiillusilu

Ullutsinni ilaqutariiaat assigiinngiiaaqaat - qujanaqaarlu tamarmik inissaqartinneqarmata. Taamaattorli ilaqutariinni katitigaasuni aningaasaqarnikkut inatsisitigullu pissutsit eqqarsaatigalugit eqqumaffigisassat amerlaqaat. Assersuutigalugu kingornussinissamut inatsisit paasiuminaassinnaallutik misissorluagassaapput.

Arlarsi tamassiluunniit immikkut meeraqarfimmit allamit meeraqarussi paaqqinnittarfinnut, sunngiffimmi sammisanut, meeqqanut akiliutit atisallu akilerneqarnissaat aalajangertariaqassavasi. Angajoqqaaviusoq kisimi tamakkuninnga akiliisassava, imaluunniit "anaanassaq" "ataatassarluunniit" aamma akileeqataasassava? Taavami siunissami pingaartorsiorfiit qanoq akilerneqassappat, soorlu apersortinneq, efterskole, nunanut allanukarneq, biilersinnaanermullu allagartaq?

Inigisarsi siunissaq pillugu piareersimava?

Nalunngilarput meeqqat allisartut - atisatik kisiisa mikigilerneq ajorpaat, aammali ineqarnerup tungaatigut mikersalertarput. Tassunga tunngatillugu inigisarsi eqqarsaatigilaarisiuk. Assersuutigalugu meeqqat mikitillugit arlariiullutik sinittarfeqatigiissinnaasarput, inuusuttuaraateqaleraannili tamanna immaqa nuannarerpiarneqarnavianngilaq. Minnerunngitsumillu perusuersartarfiit eqqarsaatigalugit... Aamma eqqarsaatigisinnaavarsi siunissami meerartaaqqissagussi inissap tungaasigut ajornakusuulissanersoq.