Pengedagimi
Aningaasanik Sammisaqartitsinermi Pengedagimi aningaasat pillugit ulluinnarpalaartumik ilinniartitsisarpugut. Tassani ilaatigut atuartut aningaasaatimik aqulluarnissaannik ilinniartinneqartarput, aammalu aningaasaqarnikkut ajutoorfissaasinnaasunik paasitinneqarlutik.
Aningaasanik Sammisaqartitsinerup siunertaa
Aningaasanik Sammisaqartitsinerup siunertaraa inuusuttut aningaasat pillugit paasinartumik ulluinnarpalaartumillu ilinniartissallugit, ilinniartut tamarmik immikkut atorluarsinnaasaannik. Ilinniartitsineq 10. klassinut tulluarsagaavoq.
Aningaasanik Sammisaqartitsinermi uku ilinniartitsissutigisarpagut:
- Isertitat aningaasartuutillu
- Akissarsiat inuusuttullu suliffeqarfinni pisinnaatitaaffii
- Taarsigassarsiat erniallu
- Aningaasat qanoq aqunnissaat
- Aningaasat digitaliusut, internetimilu isumannaatsumik pissusilersorneq
Ilinniartitsineq unillatsiarnerit ilanngullugit katillugu atuartitsinermi nalunaaquttap akunnerinik marlunnik sivisussuseqarpoq. BankNordikimi siunnersortitut sulisut atuarfinnut ilinniartitsiartortassapput. Ilinniartitsinerup imarisaa atuarfimmi matematikkimut inuiaqatigiilerinermullu eqqaanarput, taamaammat ilinniartitsineq taakkuninnga sammisaqarfissaraluani ingerlanneqarsinnaapput, kisianni soorunami atuarfiit namminneq aalajangigassaraat qanorpiaq aaqqissuutissanerlugu.
Siullerpaamik missingersuusiorit
Isertitarisartakkatit (ilinniarnerup saniatigut suliffimmit, boligsikring, il.il.) aalajangersimasumillu aningaasartuutigisartakkatit (ineqarnermut, sarfamut, sillimmasiinermut, telefonimut il.il.) ilisimalluarukkit aningaasaqarnerit malinnaavigiuminarnerussaaq.
Peqataanissamut nalunaarneq
Klassit Aningaasanik Sammisaqartitsinermut peqataasinniarussigit uunga nalunaassaasi: Pia Holm Jensen, telefon 347910 imaluunniit pho@banknordik.gl.
