Google Pay
Google Pay smartphonemi tabletimiluunniit Androidiusumi atorsinnaavat, Visa/Dankortillu Mastercardilluunniit tassunga attavilerlugu – taava pisiniarfinni, app-ini, internetikkullu pisinermi akiliissutigisinnaalissavat. Akiliigaangavit kortit pillugu paasissutissat illit atortorissaarutinni toqqorneqarnavianngillat pisiffinnullu tunniunneqarnaviaratik.
Attuutsitsinani akiliisarfinni tamani Google Pay atorneqarsinnaavoq. Aamma internetikkut pisinermi Google Pay atorlugu akiliisinnaavutit.
Google Pay atulerniarukku BankNordikiminngaanniit Visa/Dankortimik Mastercardimilluunniit korteqartariaqarputit. Pisiniarfinni Google Pay atorlugu akiliisarniaruit Androidiutit Android 5.0-imik nutaanermilluunniit styresustemeqassaaq NFC-chipeqarlunilu.
Google Pay naatsumik ilisaritillugu
- Akiliineq ajornaatsoq, isumannaatsoq, digitaliusorlu
- Visa/Dankortit Mastercardilluunniit tassunga atuutilersissinnaavat
- Pisiniarfinni, app-ini, internetikkullu akiliissutigisinnaavat
Google Pay atuleruk
Mobilbankikkut toqqaannartumik kortinik ilanngussigit
- Google Pay app-i aasimanerlugu qulakkeeruk
- Mobilbankinni kortivit allassimaffiat ammaruk
- Tuugassaq "Tilføj til wallet" tooruk
- Kortip walletimut ilanngunniakkavit nalaani "Add to GooglePay" tooruk
- Ilitsersuutit skærmimi nuisut malikkit
Kukkullutit ilanngussinissat, kortilluunniit marloriarlutit ilannguttoornissaa ernumassutigisariaqanngilat. Periarfissap ”Add to GooglePay”-ip kortit ilanngunneqarsinnaasut sulilu ilanngunneqarsimanngitsut kisiisa nuisittarpai.
GooglePay-app-i aqqutigalugu kortinik ilanngussigit
-
Google Pay-appi aaguk ammarlugulu
-
Qinigassaq “Betaling” ammaruk
-
“+ Betalingsmetode” tooruk
-
Kortivit saava assiliguk. Korti pillugu paasissutissat amigaataasut ilanngullugit allassinnaavatit. Assiliisinnaanngikkuit kortivit paasissutissartai toortarlugit allaannarsinnaavatit
-
Atuisutut atugassarititaasut akuerikkit
-
Telefonnormorisannut bankimut tunniunnikuusannut kodemik SMS-ikkut nassinneqassaatit, kode taanna toortaruk
Qarasaasiakkut Google Chrome aqqutigalugu kortinik ilanngussigit
- ”Administrer din Google-konto” iserfigiuk
- “Betalinger og abonnementer” toqqaruk, kingornalu “Administrer betalingsmetoder” kort” toorlugit
- Taava ”+ Tilføj betalingsmetode” qinissavat, tassanilu kortit, atit, najukkallu pillugit paasissutissat toortarlugit
- ”Gem” tooruk
- Smartphonenni tabletinniluunniit Androidiusumi Google Pay ammararlugu ”Betaling” qinerukku kortit tassani takusinnaassavat
- Mobili atorlugu akiliisalerumallutit ”Konfigurer kontaktløs betaling” tuussavat
- Atuisutut atugassarititaasut akuerikkit
- Telefonnormorisannut bankimut tunniunnikuusannut kodemik SMS-ikkut nassinneqassaatit, kode taanna toortaruk
Aningaasiviit qimattoorsimaviuk?
Ajunngilaq! Androidimit smartphone atorlugu attuutsitsinak sumiluunniit akiliisinnaavutit.
Google Pay atorlugu ima akiliissaatit
Pisiniarfinni akiliineq
Google Pay tassaavoq Android telefoni atorlugu akileeriaaseq pisiniarfinni atorneqarsinnaasoq ajornaatsoq. Akiliineq sukkasuumik pisarpoq, akiliinermi telefoni kodemik inussavilluunniit ipaasaanik ammassavat, akiliisarfiullu terminalip eqqaanut pisillugu – korti attuutsinnagu akiliisarnittut.
Google Pay pisiniarfinni akiliissutiginiarukku Androidiutit Android 5.0-imik nutaanermilluunniit styresustemeqassaaq NFC-chipeqarlunilu.
App-ini internetikkullu pisiniarfinni akiliineq
App-ini internetikkullu pisiniarfinni akiliinermi Google Pay akileeriaatsini sukkaneruvoq ajornaannerullunilu, atuisutut immersuinerit assigiinngitsut tassani pisariaqarneq ajormata.
App-ini internetikkullu pisiniarfinni akiliiniaruit smartphonemi, tabletimi, qarasaasiamiluunniit Google Chromekkut pissaaq, akiliisarfimmut piguit Google Pay akileeriaatsitut toqqariarlugu akiliineq akuerissavat.
Tamaani akiliisinnaavutit
Pisiniarfinni uku arlaannik ilisarnaatilinni tamani Google Pay atorsinnaavat:
Google Pay atorlugu akiliineq isumannaappoq
Google Pay atorlugu akiliigaangavit illit kortit immikkut ittumik normoqartinneqassaaq akiliinerlu nuussinermut tunngasumik immikkut ittumik normoqartinneqassalluni. Kortivit normua tamakkiisumik nalunaaqutaaqqanni Googlelluunniit serveriutaani toqqorneqanngisaannassaaq, pisiffigisannullu tunniunneqarnaviarani.
Apeqqutigineqarajuttut
Google Pay
Google Pay mobilini sorlerni atorsinnaava? Mobilip styresystemiata suunissaanut immikkut piumasaqaatitaqarpa?
Google Pay-appi mobilinniissaaq. App-inik aallertarfimmi nalinginnaasumi aasassaavoq.
Google Pay atorniarukku telefonit Androidiusoq NFC-antenneqassaaq minnerpaamillu Lollipop 5.0 styresystemerissallugu.
Google Pay atortorissaarutini allani Androidiusuni aamma atorsinnaavara?
Aapparalu mobiltelefoni marluupparput, tamatta immikkut kortigut Google Payimut ilanngussinnaavagut?
Naamik, Google Pay inummut ataatsimut atasussaavoq, piginnittunit arlalinnit atorneqartussaanngilaq. Google Pay-imut kortimik toqqorsiguit telefoni inummut kortimik piginnittumut tassunga "parnaarneqassaaq". Inuup allap kortianik kingorna toqqorsiniaruit kortit Google Pay-imut toqqorneqareersut tamaasa peeqqaassavatit, taava nutaamik ikkussisinnaassaatit.
Qitornama mobiltelefoniani kortiga Google Payimut ilanngussinnaavara?
Naamik. Illit kortit illit pigivat, kortip piumasaqaataani allassimasut malillugit korti kortilluunniit paasissutissartai inummut allamut atorteqqusaanngilatit.
Kortit sorliit Google Payimi atorsinnaavakka?
Kortit Mastercard, Visa, kiisalu Visa/Dankorteqaruit Visa-kortitaa atorsinnaavat.
Google Pay atorlugu sumi akiliisinnaavunga?
Pisiniarfinni korti attuutsinnagu akiliiffiusinnaasuni tamani. Korti attuunnagu akiliinermut ilisarnaat imaluunniit Google Pay-ip ilisarnaataa maluginiaruk.
Google Pay atorniarukku suut pisariaqartippakka?
Uku pisariaqartippatit:
- Androidimit atortorissaarut Google Pay-eqarsinnaasoq
- korti Mastercard, Visa kort, imaluunniit Visa/Dankort aningaaserivimmit Google Pay-imik atuisinnaatitsisumeersoq
Internetikkut akiliigaangama Google Pay atorsinnaavara?
Aap, kisianni internetimi pisiniarfiit ilaasa suli periarfissaq taanna suli atulernikuunngilaat. Google Pay atorlugu akiliineq periarfissaappat internetikkut akiliilernermi akileeriaatsit akornanni toqqagassaassaaq (toqqagassat allat tassaapput korti akiliissutaasoq, MobilePay, il. il.)
Google Pay suliffinnit telefonerisanni atorsinnaavara?
Aap, telefoni suliffinnut uterteqqilerukku kortit peeqqinnissaat eqqaamaannassavat.
Google Pay iPhonemi telefonimiluunniit Windowsiusumi atorsinnaavara?
Naamik, Google Pay atortorissaarutini Androidiusuni taamaallaat atorneqarsinnaavoq.
Akileeriaaseq qanoq isumannaatsigiva?
Isumannaatsorujussuuvoq. Google Pay immikkut ittumik isumannaappoq telefoni korti pillugu paasissutissanik toqqorsineq ajorami, taamaammallu mobilip terminalillu akornanni korti pillugu paasissutissanik tunniussisoqartarani. Taamaasilluni kortip normua atornerluiniartunit tassuuna pissarsiarineqarsinnaanngilaq.
Tamatuma saniatigut paasissutissat paasiuminarsarneqartarput kryptering atorlugu.
Taamaakkaluartoq korti atornerlunneqassagaluarpat kortimik nalinginnaasumik atornerluisoqarsimatillugu taarsiivigineqarnissamut pissutsit atuuttut tamatumuuna aamma atuupput.
Innersuussissutigaarput mobilit atunngikkaangakku nammineerluni parnaartartussatut inississagit, allanit iserfigineqannginniassammat allallu Google Pay-imut isinnginniassammata.
Mobili annaassagukku ingerlaannaq attavigissavatsigut, taava Google Pay-imi kortitit matussavagut.
Paasissutissat inniminartut suut Google Payimi nalunaarsorneqartarpat?
Kortinut akiliutinut atugassarititaasut Googlellu paasissutissanik inniminartunik qanoq passussisarnera Google Pay-imi takusinnaavatit.
Kortinik akiliissutaasunik Google Pay atorlugu atuinermut atatillugu atugassarititaasuni ilaatigut ima allassimasoqarpoq:
Kortit Google Pay-imut ilanngukkukku Google Pay atoraangakku illit pillutit paasissutissat aningaaserivinnit passunneqarnissaannut akuersissaatit, aammalu aningaaserivippit paasissutissat inniminartut allanut ingerlateqqissinnaagaat, tassani ilaatigut pineqarput atit, najukkat pillugu paasissutissat, telefonnormu kortilu pillugu paasissutissat.
Kortip atorneranut atatillugu aningaaserivippit akiliinermut atatillugu paasissutissat uku ingerlateqqissinnaagaat akuersissutigissavat:
• akia, aningaasat nunamit suminngaanneersut atorneqarnerat, akikilliliinertaqarsimappallu aamma taanna
• aningaasanik nuussinerup suussusaa qaqugukkullu pinera
• pisititsisup aqqa, najugaa, postnormua, kiisalu sulerisuunera
• aningaasanik nuussinerup inissisimanera (ass. iluatsissimanersoq/iluatsissimannginnersoq)
• nuussinermut atatillugu teknikkikkut paasissutissat
• pisititsisumit nalunaaruteqarsimappat aamma taakku
Google Pay atorlugu akiliileruma korti sorleq atorniarnerlugu qanoq toqqassavara?
Korti atorusutatut qinersimasat erseqqissagaassaaq. Google Pay-imi kortitit arlaqarpata akiliileraangavit sorleq atorniarnerlugu aalajangersinnaassavat.
Kortiga Google Pay-imut ilanngunniarsarigaluarakku itigartitaagama.
Google Pay bankerisanni atorneqarsinnaanersoq qulakkiissavat.
Bankerisanni Google Pay atorneqarsinnaagaluartoq iluatsinneq ajulerukku sullitanut kiffartuussiviannut attaveqarina, taava ikiussavaatsit.
Kortiga Google Pay-imut ilanngussinnaanngilara, qanoq iliussaanga?
Attavigitigut
Qanoq ilillunga korti Google Pay-imit peersinnaavara?
Google Pay app-imi taamaaliorsinnaavutit, imaluunniit Google konto aqqutigalugu.
Kortikka Google Pay-imit peerukkit qanoq pisoqassava?
Kortit digitaliusut tamaasa atorunnaarsissimassavatit, atuleqqinniarukkit taava Google Pay-imut ilannguteqqittariaqassavatit. Google Pay-appi atorlugu mobilbankikkulluunniit tamanna pissaaq.
Kortit ilannguteqqinniarneri iluatsinneq ajulerukkit attavigitigut.
Kortiga plastikkiusoq matuneqarsimavoq, sooruna Google Pay-imi kortiga atorsinnaanngikkiga?
Kortit digitaliusoq kortinnut plastikkimut attuumassuteqarpoq. Kortiviit plastikkiusoq atorneqarsinnaanngippat digitaliusut aamma atorneqarsinnaassanngillat.
Androidimik mobiltelefonitaarama, qanoq ilillunga kortikka telefonitaannut nuussavakka?
Telefonit Androidiusoq Google-ID-nnut nalunaarsortikkukku Google Pay-imi kortitit nammineerlutik aamma tassunga nuunneqarumaarput.
Mobilera tammarpat tillinneqarpalluunniit qanoq iliussaanga?
Korti nalinginnaasoq tammaraluarpat iliuusissat assigaa: Attavigitigut kortilu matutillugu. Aamma Google Kontonni mobilbankikkulluunniit "Find min enhed" aqqutigalugu matutissinnaavat.
Mobili attaveqanngippat akiliisinnaavunga?
Aap, Google Pay atorlugu akiliinermi mobilip attaveqarnissaa wifi-mulluunniit attaveqarnissaq pisariaqanngilaq.
Kalaallit Nunaata avataani Google Pay atorlugu akiliisinnaavunga?
Aap, akiliisarfinni korti attuunnagu akiliisarfiusuni tamani Google Pay atorneqarsinnaavoq, aamma nunani allani.
Google Pay ammanngikkaluarlugu akliissutigisinnaavara?
Aap, kisianni telefonipp skærmia ikumasussaavoq.
350 kr. sinnerlugu ataalluguluunniit akiliiguma akileeriaatsit assigiinngillat?
Pisiniarfinni akileeriaaseq una atoraanni teknologi suna atorneqartarpa?
Google Pay NFC teknologi atorlugu ingerlavoq. Kortit attuunnagit akiliinerni aamma teknologi taanna atorneqarpoq.
Google Pay-imik akiliinermi atuinermut killiliussaqarpa?
Akiliinermut killiliussat kortinnut nalinginnaasumut atuuttut aamma tassunga atuupput. Malugiuk Visa/Dankorteqaruit Visa-kortimut atasortaa ulluni tulleriinni 30-ni annerpaamik 25.000 kr.-inik atuiffiusinnaammat.
Akiliineq Google Pay atorlugu pisimappat kontoma inissititernerini qanoq takusinnaavara?
Takusinnaanngilat. Google Pay atorlugu akiliineq kortimik akiliinertut allatulli allaqqaannassaaq.
Google Pay atorlugu akiliisimanikka arlaatigut takusinnaavakka?
Aap, Google Pay atorlugu akiliisimanitit kingulliit qulit Google Pay-appimi takuneqarsinnaapput.
Google Pay atorlugu akiliisimaguma kontonni inissititerinerni ingerlaannaq takusinnaassavara?
Google Pay atorlugu akiliineq nunani allani akiliinertut naatsorsorneqartarpoq, taamaammat ullualuit qaangiutereerpata aatsaat takusinnaassavat, soorlu aamma kortit nunani allani atorsimagaangakku taamaattartoq.
