Nuummi siunnersortissarsiorpugut

Suliassanik unammillernartunik nutaanik misigisaqarusuppit? Sullissinitta ineriartuinnarnissaa suleqataaffigerusuppiuk? BankNordik Nuummi immikkoortortaqarfitsinni privatkunderådgiverimik ilakkuminartumik sulisussarsiorpugut.

Immikkoortortaqarfitsinni inuussutissarsiortunik sullissisut arfineq-marluupput, privatinillu sullissisut 12-ullutik, tassunga ilanngukkuit eqeersimaartunik pissutsinillu malinnaalluartunik suleqateqalissaatit. Suleqatigiinnerup nuannersuunissaa ikioqatigiittarnissarlu pingaartitaraagut – taamaammat suleqatigiilluarneq kissaatigalugulu pikkoriffigigukku tamanna assut iluarineqassaaq. Tassunga ilanngullugu qiimalluta immitsinnullu ittoorinata ulluinnarni naammassisaqarluartarnissarput pingaartitaraarput.

Atugassarititaasut

  • Suliffik tamatigoortoq, piginnaasat tungaatigut inerisarneqarnissamik periarfissiisoq.
  • Akisussaaffik annertooq angusarissaarnissamik periarfissiisoq
  • Akisussaaqataaneq sunniuteqaqataanerlu, suliffeqarfiup aaqqissugaanerani sulisut tamarmik naligiipput, nukittoqatigiinnerlu tapersersoqatigiinnerlu ilisarnaataallutik
  • Suliffik pissanganartuuvoq, ingerlatseqatigiiffippullu ineriartortuarnissaq tunaartaralugu ingerlasuulluni
  • Isumassarsiatit piviusunngortillugit suliffinni sunniuteqaqataasinnaassaatit
  • Suleqatit pikkorillutillu tunniusimasuupput.

Suliassatit

Privatkunderådgiveritut sulilissaguit ingerlatseqatigiiffimmi nunat avannarlermiuusumi pisinnaasatit ineriartortittuarsinnaassavatit, eqeersimaartunik suleqateqarlutit. Pissanganarluinnartumik ulluinnarni atugaqassaatit (taama neriorsorsinnaavatsigit), namminerlu sullittakkannik isumaginninnissamut ineriartortitsinissamullu sunniuteqaqataallutillu akisussaaqataallutit.

Ulluinnarni sullitatit qanimut attavigisassavatit, ilaatigut sullitaareersunik soqutiginnittunillu ataatsimiisitsisarlutit, pingaarnertullu niuerfimmi ineriartorfiusumi sullitassanik nutaanik pissarsiorniarsarineq aallutarineqassaaq.

Pingaarnertut suliassarissavat sullitatit bankimit aniartuleraangata qungujulallutik anisinnaanissaat – taakkununngarpiaq tulluuttimik illit siunnersuisinnaasimagavit, taamaasillutillu sullitavit aamma allanut innersuuttarniassammatsit.

BankNordikimi sullissigaangatta sullitat naleqqatigalugit oqaluuttarpagut, oqaatsillu erseqqissut atugaralugit – aningaaserivimmiorpallannerit paasiuminaatsut atornagit! Aningaaserivimmiorpallannertaqanngitsumik sullissisoorusukkatta.

Imaattuuvutit

  • Sullitanik privatinik siunnersuineq misilittagaqarfigivat, aningaaserinermullu tunngasuni tamatigoortumik ilinniagaqarsimallutit, ineqarneq, pensioni/pensionimut sillimmasiinerit, kiisalu aningaasalersuineq misilittagaqarfigalugit.
  • Naatsorsuutigaarput niuernermut tunngasuni pikkorissuusutit, sullitanillu ataatsimiisitsigaangavit pitsaasunik angusaqartartutit – sullitamut bankimullu iluaqutissaasunik.
  • Periarfissarsiorluni sulineq nuannarivat, anguniagassanillu annertuunik piviusunngorsinnaasunik anguniagaqartarlutit, unammillernartunillu suliassaqarneq nuannaralugu.
  • Sullitanut suleqatinullu ilakkuminartuuvutit, suliffiullu eqeersimaarfiunissaanut nuannersuunissaanullu sunneeqataasarlutit.
  • Inuttut sullissilluarusuttuuvutit, pitsaasumillu eqeersimaartumillu siunnersuisarlutit. Sullitaq pingaarnerpaatillugu sullissisarputit, taassumalu pisariaqartitai periarfissarisaalu aallaavigalugit siunnersuisarlutit. Aningaasaqarnermut tunngasut pikkoriffigigakkit siunnersuigaangavit pissutsit aningaasaqarnermut tunngasut tamaasa tikittarpatit.

Qallunaatut akornuteqarnak allassinnaallutillu oqalussinnaanissat naatsorsuutigaarput. Kalaallit oqaasiinik ilisimanninneq kiisalu Kalaallit Nunaannit misilittagaqarneq soorunami iluaqutaassapput, tamakkuli piumasaqaataanngillat. 

Qinnuteqarneq

Atorfik pillugu sukumiinerusumik paasisaqarusukkuit Privatkundedirektør René K. E. Sørensenip attaviginissaanut tikilluaqqusaavutit, uunga res@banknordik.gl imaluunniit tlf. 54 45 45. 

Qinnuteqarnissat qilanaaraarput. Qinnuteqaatinik nassitsikkaangatta kingunitsianngua oqaloqatiginninnissat isumaginiartarpagut, taamaammat piaartumik qinnuteqarnissat innersuussutigaarput.

Innersuussut una atorlugu qinnuteqassaatit.

Banki pillugu

BankNordik aningaaserinikkut ingerlatseqatigiiffiuvoq nukittooq Kalaallit Nunaanni, Danmarkimi, Savalimmiunilu bankimik ingerlatsisoq. Massakkut ineriartornikkut pissanganangaatsiartunik atugaqarpugut - illillu tamakkunani ilaasinnaavutit.

Anguniagarput

"Illit eqqortumik toqqaanissat pisariillisassavarput" - tamanna sullissinitsinni anguniagaraarput. Siunnersuinitsinni sullitatsinnut nalitunerulersitsinissaq pingaartitaraarput, sullitatta ataatsimeeqatigiinnitsinni arlaatigut pissarsiaqartutut misigisimanissaa kissaatigaarput. Aamma sullitatta aningaasaqarnerminik siunnersorneqarnerminillu paasinnilluarnissaat akisussaaffigaarput - tassunga atatillugu oqariartaatigaarput "Siunnersuut kikkulluunniit paasisinnaasaat".

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit