Central investorinformation
Peqatigiiffik aningaasaliisartoq aqqutigalugu aningaasaliiguit allagartami "central investorinformationimi" (CI-mi) paasissutissat makku ilaatigut pissarsiarisinnaavatit: iluanaarutit, nalorninartortat kiisalu aningaasartuutit.
Aningaasaliissutip imarisaanik nassuiaat
Central investorinformation EU-mi qullersaqarfimmit aallaaveqarpoq, peqatigiiffiillu aningaasaliisartut akornanni ammanerusumik sullisseriaaseqarnissaq siunertaralugu pilersitaalluni. EU-mi tamarmi assigiimmik iluseqartinneqartarpoq, taamatullu aningaasaliiniarnermi pilersaarusiorneranik allaaserinninnissamut taarsiullugu atugaalernikuulluni. Immikkoortortaqarfiit tamarmik immikkut quppernerit marluk immersorsimasarpaat, taamaasillutillu immikkoortortaqarfiit immikkut suuneri illit takulluarsinnaavatit.
CI-mi paasissutissat makku ilaasarput:
- Siunertat aningaasaliinermilu politikki
- Nalorninaatinut iluanaarutissanullu inissisimaffik
- Aningaasartuutit
- Siornatigut angusimasat
- Paasissutissat atorluarneqarsinnaasut allat
Pappialaatit CI-t uani nanisinnaavatit
Finans Danmarkip nittartagaani peqatigiiffiit tamarmik taakkualu CI-vi takuneqarsinnaapput. Aamma peqatigiiffiit aningaasaliisartut namminneq nittartagaanni taakkua CI-at takuneqarsinnaasarpoq.