BankInvest Optima
BankNordikimi ileqqaakkatit BankInvest Optima atorlugu aningaasaliissutigisinnaavatit.
Optima sunaana?
Optima tassaapput fondit akuleriiaat assigiinngitsut, peqatigiiffiit aningaasaliisartut aqqutigalugit aktianik obligationinillu aningaasaliisartut.
Ileqqaakkatit aktianut obligationinullu immikkut qinikkanut untritilikkaanut siammartinneqassapput. Tamarmillu ataatsimut fondskodep ataatsip iluaniissapput.
Optimami aningaasaliiguit iluaqutissatit
- Aktianik obligationinillu aningaasaliinerit ilisimannilluartunit eqeersimaartunillu ingerlanneqassaaq
- Niuerfinnut nammineerlutik aningaasaliisartunut iserfigiuminaassinnaasunut aqqutissiuissaaq
- Aningaasaliissutit annikinnerugaluarpataluunniit siammasissumik nalorninaatikinnerusumillu aningaasaliissaatit. Ilaanni fondip ataatsip iluani fondskodet 1.000-it sinnertarpaat
- Iluanaarutit aningaasaliissutigeqqinnissaat periarfissaavoq, ileqqaakkatit tamakkiisumik aningaasaliissutigineqarnissaat kissaatigigukku (iluanaarutit aningaasaliissutigineqaqqinnissaannut isumaqatigiissusiornissaq piumasaqaataavoq - ataani immersugassaqarpoq)
- Periarfissaq unammillersinnaalluartoq aningaasaleeriaaserlu atoruminartoq
- Netbankikkut aningaasaliissutitit malinnaavigisinnaassavatit
- Aningaasaliissutitit pillugit paasissutissat iserfigiuminartut, uani Bankinvest.dk/optima
Fondit assigiinngitsut tallimat
Optimap iluani fondit assigiinngitsut tallimat qinigassaraatit. Fondit taakku assigiinngissutigaat aktiatai obligationitaalu assigiinngiiaarmata – aktiatai amerlaneruppata aningaasaliininni nalorninaateqarsinnaanerunissaa akuerissavat.
Iluanaarutit aningaasaliissutigeqqinneqartarnissaat
Piumaguit ukiumoortumik iluanaarutitit tigunagit nammineerlutik aningaasaliissutigeqqinneqartarnissaat qinersinnaavat. Aningaasaliissutigineqaqqinnera iluanaaruteqarfimmut pisassaaq, peqatigiiffimmillu tassannga iluanaarutinik agguaanermi pisassalluni. Aningaasaleeqqinneq BankNordikimut aningaasartuutitartassanngilaq.
Immikkoortortaqarfinnut* aningaasaliiffigisimasannut tamanut atuuttussamik aningaasaleeqqittarnissaq kissaatigigukku isumaqatigiissusiaq immersugassaq una atsioriarlugu uatsinnut nassiussinnaavat.
Aningaasaleeqqinnermi iluanaarutit ilaasa aningaasaliissutigeqqinneqarnissaat, imaluunniit fondskodemut aalajangersimasumut aningaasaleeqqittarneq periarfissaapput. Tassani eqqumaffigissavat fondskodetigut allannguutit nammineerlutit eqqumaffigisariaqarakkit, allannguisoqassagaluarpat aningaasaleeqqittarnissamut nalunaaqqittariaqassaatit.
*Isumaqatigiissut peqatigiiffinnut aningaasaliisartunut Værdipapircentralenimi nalunaarsorsimasunut kiffartuussummik tamatuminnga tunniussisinnaasunut tamanut atuuppoq.
Optima pillugu paasissutissat sukumiinerusut
Quppersakkami uani Optima pillugu paasisaqarnerusinnaavutit, aammalu Optimap ilinnut nalorninaatinullu tunngatillugu piumasaqaatinnut tulluarsarneqarnissaa paasisaqarfigisinnaallugu.
Aningaasaliinermi atuuttuaannartut
Aningaasaliinermi siumut naatsorsuutigisat eqquutinngitsoorsinnaanerat nalorninaateqartitsiuaannarpoq. Pappialanik nalilinnik aningaasaliinermi annaasaqarsinnaaneq periarfissaajuaannarpoq, annaasaqarnerlu pissagaluarpat aningaasaliisup nammineq tamanna akisussaaffigissavaa.
