BankNordikip Danmarkimi immikkoortortaqarfini Spar Nordimut tunivai

Tunisineq Kalaallit Nunaanni Savalimmiunilu sullitanut privatinut inuussutissarsiortunullu kinguneqartitsinavianngilaq.

Juulli sioqqutilaarlugu nalunaarutigineqarpoq Spar Nordip BankNordikip Danmarkimi immikkoortortaqarfii pisiarigai. Tunineranut pissutaavoq BankNordik Savalimmiuni SIFI-instituttitut qinigaasimammat, taamaammallu Danmarkimi aningaaserivinnut allanut naleqqiulluni aningaasaateqarnermut piumasaqaatit annertunerujussuusut maleruartariaqarlugit. Tamanna siunissami BankNordikip Danmarkimi unammillersinnaaneranut akornutaassaaq.

Danmarkimi BankNordikip sullitai tamarmik martsip 1.-ni 2021 Spar Nordimi sullitanngortinneqarnissaat naatsorsuutigineqarpoq.