Ima Netbank isumannaallisassavat

Suliffeqarfippassuit hacking ernumassutigisarpaat, ajoraluartumillu aamma suliffeqarfiit ilaasa netbankikkut tillinniarfigitinneq misigisarpaat. Qujanartumik netbankimik atuisut ikittuinnaat tamanna misigisarpaat, taamaattorli Netbankimi isumannaatsumik sullinneqarnissat BankNordikimi pingaartitaraarput, taamaammallu Netbankivit suliffeqarfiutivillu illersorluarnissaat pillugu ataavartumik paasissutissiiniarsarisarluta.

NemID isumannaallisaanerup ilagaa

Bankini pisortanillu sullissinerni tamani isumannaallisaanermut atatillugu NemID atorneqartarpoq. Netbankimi pisortallu nittartagaanni tamani NemID-mi atuisutut id-t, nøglekortit isissutissallu isumannaallisaatigaatit. Taamaammat pingaaruteqarpoq isissutissavit sianigilluarnissaa, isissutissamillu ilinnut eqqaamajuminartumik allanulli eqqoriaruminaatsumik toqqaanissat.

NemID-mi atuisutut id-t, nøglekortit assigisaaluunniit pillugu apeqqutissaqaruit, isissutissamilluunniit nutaamik inniminniiniaruit NemID attavigiuk.

Netbankit isumannaaruk

Ilitsersuutit uku malillugit Netbankit isumannaannerulersissinnaavat ajutoornissannullu periarfissat annikillisillugit:

• Antivirusprogrameqarit nammineerluni nutarsartartumik ikumajuaannartumillu

• Softwarennut isumannaallisaanermut atatillugu nutarsaanerit installerertakkit

• Computerimi firewalleqarit

• Nassiussisoq tatigisarinngikkukku e-mailini fiilit kakkiussat linkilluunniit ammarnagit

• Akulikitsumik kontotit alakkartakkit, ippinnartunillu pisoqaraangat BankNordik attavigisaruk

• Computerit viruseqarnissaanik pasitsaakkukku: Computerit iluarsaatsinnagu Netbank atunngikkallaruk

Tamakku saniatigut aamma eqqaarusupparput paasissutissat BankNordikimit nassiunneqartartut tamarmik kryptering atorlugu paasiuminarsarneqaqqaarlutik nassiunneqartarmata, aningaasanillu nuussinerit tamarluinnarmik elektroniskimik atsiorneqaqqaarlutik kiisalu NemID atoqqaarlugu naammassineqarsinnaasarlutik. Aammattaaq paasissutissanik inniminartunik paasiniaagaangatta telefonikkut e-mailikkulluunniit taamaaliunngisaannarpugut, paasissutissanik inniminartunik imalinnik qinugaangatta tamanna Netbankikkut bankimulluunniit ornigunnikkut taamaallaat pisarpoq.

Sukumiinerusumik paasisaqarusuppit?

Uunga iserlutit computerinni programmit nutarsarneqarsimanersut paasiniarsinnaavat: www.opdaterdinpc.dk, digitalimillu isumannaallisaaneq sukumiinerusumik uani paasisaqarfigisinnaavat: www.sikkerdigital.dk.