Nunanit allanit qularnaallisaatit
Nunanit allaneersunik niueqateqarnermi tunisisup pisisullu tamarmik isumaqatigiissutip ataatsimik arlalinnilluunniit qularnaallisaatitaqarnissaa piumasaqaatigigajuttarpaat.
Nunanit allanit qularnaallisaatit suugamik?
Nunanit allanit qularnaallisaat aqqutigalugu isumaqatigiissut unioqqutinneqassagaluarpat aningaasatigut taarsiivigineqarnissarsi qulakkiissavarsi. Qularnaallisaat bankimit pissarsiarineqartarpoq, assersuutigalugu akiliisoqarnissaa nioqqutilluunniit tunniunneqarnissaat qularnaallisaaserneqarsinnaavoq.
Qularnaallisaatip iluaqutai
Qularnaallisaat pisisumut tunisisumullu iluaqutaasinnaavoq. Eqqussisuullutit siumoortumik akiliinissaq pinngitsoortissinnaavat, imaluunniit siumoortumik akiliiguit nioqqutit tigunissaat qulakkeersinnaavat. Aamma krediteqarsinnaavutit, pisiffigisavillu pisussaaffini naammassinngippagit taarsiivigineqarnissat isumannaarsinnaavat. Nunanut allanut nioqqutissiortuuguit akiliisoqarnissaa isumannaarsinnaavat, siumoortumik akiliisitsisinnaavutit, krediteqartitsisinnaavutit, pisisullu pisussaaffini naammassinngippagit suliffeqarfiutivit taarsiivigineqarnissaa qulakkeersinnaallugu.
Qularnaallisaat ima atuuffeqarpoq
Siullertut pisisup tunisisullu piumasaqaatit suut qularnaallisaaserneqarnissaat isumaqatigiissutigissavaat. Illit illuatungerisannut pisussaaffinnik qularnaallisaataassappat BankNordik qinnuigissavat niueqatigisannut qularnaallisaammik pilersitseqqullugu. Taamatuttaaq illuatungerisavit bankini saaffigisinnaavaa ilinnut qularnaallisaammik pilersitseqqullugu. Isumaqatigiissummi ataatsimi qularnaallisaatit arlaqarsinnaapput. Qularnaallisaammik pilersitsiniaruit immersuillutit qinnuteqassaatit, taannalu BankNordikimut nassiullugu. Qularnaallisaammik pilersitsinermi akiitsornissamut akuerineqarnissaq pisariaqartarpoq, qularnaveeqqusiinermi illuatungerisamut akiliisoqarnissaa BankNordikimit qularnaveeqquserneqartarmat.
Qularnaallisaatip akiliutitaata tunniunneqarnera
Qularnaallisaat tigusariaannartut imaluunniit piumasaqaatitaqartutut inissisimasinnaavoq. Qularnaallisaat tigusariaannaappat (anfordringsgaranti) tigusisussaq tigusiumalluni saaffiginnippat aningaasat tunniunneqassapput. Qularnaallisaat piumasaqaatitaqarpat (betinget garanti) qularnaallisaammik tunniussisoq akuersiteqqaarlugu, imaluunniit tigusisussaq eqqartuussivimmit allatamik bankip akiliinissaanik peqqusisumik takutitsineratigut aatsaat aningaasat tunniunneqarsinnaassapput.
Suliffeqarfiutivit sullinneqarnissaanut periarfissat paaserusuppigit?
Uunga sianerfigitigut