Qularnaveeqqutit

Qularnaveeqqut aningaasaliinerunngikkaluarluni niueqatigiinnermi assorsuaq pingaaruteqarsinnaavoq, ingammik pisisoq tunisisorlu imminut ilisarisimarpianngippata. Qularnaveeqqusiinikkut nioqqutit akilinngitsoorneqarnissaannik imaluunniit nioqqutit pisisumut apuutinngitsoornissaannik nalorninaatit isumannaarneqarsinnaapput. Qularnaveeqquteqarnermi isumaqatigiissutigisimasaq unioqqutinneqarsimappat suliffeqarfik taarsiivigineqartussanngortarpoq.

Qularnaveeqqut arlalinnik iluaqutitaqarsinnaavoq

  • Akiliinissamut piumasaqaatit pitsaanerusinnaapput
  • Krediteqarnissamut piffissarititaasoq sivitsorneqarsinnaavoq
  • Isumaqatigiissut unioqqutinneqassagaluarpat taarsiivigineqarnissaq qulakkeerneqassaaq
  • Tunisisuuguit aamma siumoortumik akiliisoqarnissaa anguneqarsinnaavoq, imaluunniit akip ilaa siumoortumik akiliutigineqarluni

Qularnaveeqqutit assigiinngitsut

  • Sulianut nioqqutinillu nassiussinermut qularnaveeqqutit
  • Akiliinermut qularnaveeqqutit

Sulianut nioqqutinillu nassiussinermut qularnaveeqqutit

Sulianut nioqqutinillu nassiussinermut qularnaveeqqutit atorlugit suliffeqarfiup isumaqatigiissutai qulakkeerneqassapput, makkuusut:

  • Suliap/nassiussap isumaqatigiissutigisimasap naammassineqarnissaanut qularnaveeqqut
  • Ataavartumik niueqatigiinnissap ingerlanissaanut qularnaveeqqut
  • Sanaartornerup naammassineqarnissaanut qularnaveeqqut
  • Illumik tunisinermut/pisinermut atatillugu qularnaveeqqut

Akiliinermut qularnaveeqqutit

Akiliinermut qularnaveeqqusiiguit pisisussaq isumaqatigisimasat akiliinngitsuussagaluarpat aningaasat isumaqatigiissutigisimasassi tigunissaat qulakkiissavat. Akiliinermut qularnaveeqqusiinermi aamma sullinneqarnissamut neriorsuutigisimasat naammassineqaraangata aatsaat akiliineq pisussaasarpoq.

Siumoortumik akiliisimagaanni, imaluunniit nioqqutip allatsinnerani aningaasanik inisseerallaqquneqarsimagaanni qularnaveeqqutip tamakku taarsiivigisarpai.

Qularnaveeqquseeriaatsit taakku tamarmik nunanit allanit qularnaallisaatitut aamma aaqqissuunneqarsinnaapput.

Nunanit allanit qularnaallisaatit

Nunanit allaneersunit niueqateqarnermi illuttut qularnaallisaateqarnissaanut piumasaqaatitaqarsinnaasarput, ilaannilu qularnaallisaatit arlaqartussaasinnaasarput

Suliffeqarfimmut Netbank

Netbank atorlugu nammineq isumagisinnaasatit amerlaqaat, taamaasillutit illit piffissaqaraangavit suliffeqarfiutivit bankimi isumagisassaatai suliarisarsinnaassavatit.

Ingerlatsinermut aningaasaliineq

Ingerlatsinermut aningaasaliineq tassaavoq ulluinnarni suliffeqarfiup ingerlanneqarnissaanut aningaasaqarneq. Ass. nioqqutinik pisiortornermut, akissarsiassanut, nioqqutissiornermut il.il.

Nunat killingi qaangerlugit akiliineq

Nunanit allaneersunik niueqateqaruit soorunami nunat killingi qaangerlugit aningaasanik nuussinerit pisariaqassapput.

Suliffeqarfiutivit sullinneqarnissaanut periarfissat paaserusuppigit?

Uunga sianerfigitigut

34 79 00

... allaffigalutaluunniit