Inuiaqatigiit

Suliffeqarfitta Nunanut Avannarlernut allanut siammariartornerani inuiaqatigiinni najuuffigisatsinni tamani pisuni assigiinngitsuni, timersoqatigiiffinni, kulturikkullu aaqqissuussinerni tapersersuisarnissarput aallutaraarput. Inuiaqatigiinni suliniutivut ataani paasisaqarfiginerusinnaavatit.

BankNordikip inuiaqatigiinni atuuffia

BankNordik aningaasanik pisassaqartitsisuunermigut, aningaaserinikkut siunnersortaanermigut aningaasaqarnikkullu kiffartuussisuunermigut inuiaqatigiit aningaasaqarniarnerannut assorsuaq pingaaruteqarpoq. Ullut tamaasa sullitavut oqilisaavigiumallugit makku neqeroorutigisarpagut:

  • Illuutitaarnissaminnik takorluuisunut taarsigassarsisitsineq

  • Siunissaq isumannaarumallugu pensionimut ileqqaagaqarnissamullu periarfissat

  • Aningaasaqarneq malinnaavigiuminarsarlugu nuussinerillu pisariillisarumallugit kortit akiliutit netbankilu

  • Inunnut aningaasaqarnermut tunngasunik siunnersuineq, bankimi sulisut piginnaasaasa atorluarneritigut

Oqarsinnaavugut BankNordikimi sullitavut akuuffigalugit; siunissami atugarissaarnissaat sulissutigaarput, inuuneranni pingaarutilinnik pisoqaraangat aalajangiisinnaalluarnissaannut ikiortarpavut, akiligassallu piffissaq eqqorlugu suliarineqarnissaat qulakkeertarlugu. Aamma suliffinnik pilersitsinikkut, akileraarutitigut, inuiaqatigiinnilu suleqateqarnikkut naleqarnerulersitsisarpugut.

Inuiaqatigiit iluanni tapiissutit

Inuiaqatigiinni pisut assigiinngitsorpassuit tapersersortarpavut.

Aningaasanik tapersiinerit

Nalunngilarput kulturikkut timersornikkullu suliniaqatigiiffiit inuiaqatigiinnut qanoq pingaaruteqartiginersut, taamaammat inuiaqatigiit iluanni suliniutit assigiinngitsorpassuit BankNordikip tapiiffigisarpai. Kulturikkut timersornikkullu peqatigiiffiit suliniutillu allat tamalaanut saaffiginnillutik utoqqarnut inuusuttunullu susassaqartitsisut tapersersornissaat BankNordikimi pingaartipparput. Tapersersorneqartup bankillu tapersiineq arlaatigut iluaqutigisussaavaat, siunertaalu BankNordikip pingaartitai malillugit tunngavilersorneqarsinnaassalluni. BankNordikip pingaartitai tassaapput: piginnaaneqarneq, akuuneq, sunniuteqarnerlu. 2016-imi BankNordikip inuiaqatigiinni suliniutinut tapiissutai katillugit 3.6 mio. kr.-upput, tapiiffigineqartut tassaallutik timersornikkut, kulturikkut, peqatigiiffeqarnikkut ikiuiniarnikkullu suliniutit.