Kortit sianigalugu

Peqquserluttartut kortinik pinkodinillu tillinniarlutillu kopeeriniaraangamik periutsinik nassaartortuaannarput. Taamaammat kortit pinkodillu paareqqissaartariaqarpatit. Kortinut tunngatillugu apeqqutialuit ajornanngikkaluarlutik iluaqutaalluartut aajuku:

Aningaasanik tigusigaangavit korti sianigissavat

Tigusisarfimmi tigusiniartillutit ikisiniartillutillu kortip tillinneqarnissaa kopeerneqarnissaalu pinngitsoortinniarlugu imaaliortarit.

  • Tigusinermi kortimillu akiliinermi pinkode toortaleraangakku assat asseqqasaruk. Taava inuit allat pinkodit takusinnaannginnerussavaat.
  • Tigusisarfik takuuk tigusisarfinnullu allanut sanilliullugu. Arlaatigut eqqumiilliornartoqarpa pissusissamisuunngitsumik? Taamaappat allamik tigusisarfissarsiorit.
  • Tigusisarfiup atortorissaarutitai attukkit tigullugillu, pingaarnertut kortip ikkuttarfia. Pissusissamisoorpat aalatitassaassanngilaq.

Kontonni qanoq pisoqarsimanersoq malinnaaffigiuk

Kontonni pisut malinnaaffigisarnissaat pingaaruteqarpoq, taamaasillutit kortit kopeerneqarpat paasissutissalluunniit tillinneqassagaluarpata arajutsissanngilat.

  • Kontonni pisoqaraangat nalunaarfigineqartalerit. BankNordikimit Beskedservice atorlugu kontonni malinnaajuaannassaatit.
  • Kontonni pisut malinnaaffigalugit alakkallattaasakkit. Imaassinnaavoq paasissutissat tillinneqarnerannit kontop atornerlunneqarnissaanut qaammaterpaaluit qaangiuttut. Kontonni ilisarnanngitsumik pisoqarpat ingerlaannaq banki attavigissavat.

Internetikkut kortimik akiliigaangavit

Internetikkut pisisarfinni ilisarnaatit uku takussaasarput:

    

Mastercard ID Check kiisalu Verified by Visa internetikkut niuernermi kortivit atornerlunneqarnissaa pinaveersaartikkumallugu isumannaallisaataapput. Internetikkut niuertarfimmut isumannaallisaanikkut piumasaqaatinik tamakkuninnga maleruaasumut niueraangavit pisitinnak SMS-ikkut kisitsisinik arfinilinnik toortagassannik nassinneqartassaatit.

Kortitaaraangavit mobilnormut uatsinnut paasitereersimagukku Mastercard ID Checkimut imlt. Verified by Visamut ilanngutereersimasassaaq. Mobilnormut allanngorsimappat tamanna Netbankikkut uatsinnulluunniit attaveqarnikkut nalunaarutigisinnaavat.

Pinkode isumannanngitsumik toqqortaruk

Pinkode qaquguluunniit allattassanngilat. Pinkode eqqaamajuminaatsikkukku pinkodemut eqqaamatitsissut atorsinnaavat. Pinkodemut eqqaamatitsissut eqqaamaniarnissaanut sakkussaavoq atorluarsinnaasat.

Pinkodemut eqqaamatitsissut computerikkut immersoriarlugu anillatsinneqarsinnaavoq, aamma anillatseriarlugu assammik immersorneqarsinnaavoq.

Aamma atuakkit

Maalaarutit

Mastercard

Korti matutiguk

Nordik360 atorlugu kortit akikinnerussapput

Kortitaarniarpit?

Uunga sianerfigitigut

34 79 00

... allaffigalutaluunniit