Pensionskonto

BankNordikimit pensionskonto aqqutigalugu isumannaatsumik aalajaatsumillu soraarninngornissannut ileqqaagaqarsinnaavutit. Aamma ileqqaakkatit pappialanut nalilinnut aningaasaliissutigalugit iluanaaruteqarnerunissaq periarfissaavoq. BankNordikimit pensionskonto Nunatsinni inatsisinut tulluarsagaavoq.

Pensionskontomik pilersitsineq ikisisarnerlu

Kikkulluunniit suli 66-iliisimanngitsut BankNordikimi pensionskontoqalersinnaapput. Pensionskontomut ikisisarnerit nammineq ingerlassinnaavatit - assersuutigalugu akissarsianut kontonnit aalajangersimasumik ikisisarnertut aaqqissuullugu - imaluunniit sulisitsisunnut isumagitissinnaavatit, akissarsiannit ilanngaassutigineqartillugit. Ukiumut akissarsianit annerpaamik 20%-imik akileraarutitaqanngitsumik ileqqaagaqarsinnaavutit.

Pensionskonto naatsumik ilisaritillugu

  • Pensionskontomut ikisassatit akissarsiannit toqqaannartumik ilanngaanneqartassapput
  • Ikisisarnerit nammineq ingerlassinnaavatit, imaluunniit sulisitsisunnut isumagitissinnaavatit
  • Ileqqaakkavit qanoq inissinneqarnissaat nammineq toqqassavat - BankNordik assigiinngitsunik periarfissaqartitsivoq
  • Ukiumut akissarsianit annerpaamik 20%-imik ileqqaagaqarneq akileraarutitaqanngilaq

Aningaasaatit sumut inissinneqassappat

Soraarninngornissannut aningaasaatitit pensionskontomut inississinnaavatit, aalajangersimasumik erniaqartillugit ileqqaakkatut ernialersorneqartillugit, aamma nammineq toqqorsiveqarlutit ileqqaakkatit pappialanut nalilinnut aningaasaliissutigisinnaavatit. Pensionimut ileqqaakkatit iluanaaruteqarfiginerorusukkukkit Personlig PensionsPleje immaqa ilinnut piukkunnassaaq. Pensionimut ileqqaakkatit pappialanut nalilinnut aningaasaliissutigigukkit sinneqartooruteqarnerunissannut periarfissaqarnerussaatit. Pensionimut ileqqaakkannit sinneqartoorutit erniaagaluarpata, nalittorneratigut iluanaarutaappata allatigulluunniit sinneqartoorutaagaluarpata akileraarusigassaapput.

Pensioni piukkunnarneq

Ileqqaagaqarnissannut aaqqissuussineq iluarinerusat sorliugaluarpalluunniit ilinnut tulluarsakkamik katiterilluta ikiorsinnaavatsigit. Soraarninngornissannut appakaatileruit ileqqaakkavit qanoq pitsaanerpaamik tiguneqarnissaat pillugu siunnersussallutit piareersimajumaarpugut. Siunnersortitta periarfissatit saqqummiutissavaat, peqatigalutillu ilinnut nuannaarutaanerusussaq aallaavigalugu ileqqaakkavit tigunissaat aaqqissuutissallugu.

Siunnersorneqarneq

Pensionskonto illit massakkut siunissamilu pisariaqartitatit naatsorsuutigisatillu malillugit aaqqissuussaasussaavoq. Taamaammat pensionimut ileqqaakkannik aaqqissuussileruit BankNordikimut siunnersoqqullutit attaveqarnissat innersuussutigaarput.

Piukkunnartut allat

Personlig PensionPleje

Soraarninngorneq

Inuunermut sillimmasiineq

Ikiugassaavit?

Sianerfigitigut

34 79 00

... allaffigalutaluunniit