Banki pillugu

BankNordikip sullitanut privatinut erniat aningaasartuutaasut atulersippaat, taarsigassarsinermilu erniat appartillugit

Oktoberimi BankNordikip erniat aningaasartuutaasut sullitanut inuussutissarsiortunut atulersippaat, ullumilu nalunaarutigaat ukioq 2020-mi martsi-minngaanniit sullitat privatit uninngatitaanut erniat aningaasartuutaasut atuutilissasut. Taakku atuutilerpata aamma sullitanut privatinut taarsigassarsiat ilaat aalajangersimasut erniaat appartinneqassapput.

Banki nukittorsarumallugu, niuerfimmilu akuuffigisatsinni erniat aningaasartuutaajuarneranni bankip atasinnaanissaa qulakkeerumallugu BankNordik aalajangersimavoq aappaagu martsip qaammataaninngaanniit sullitanut privatinut 500.000 kr. sinnerlugu uninngatitaqartunut kiisalu pensionimut ileqqaakkanut erniat aningaasartuutaasut -0,75 pct. p.a. atuutilersinniarlugit. Qaammatini kingullerni naalagaaffeqatigiit iluanni bankini arlalinni erniat aningaasartuutaasut atuutilersinneqarsimapput, maannalu aamma BankNordikimi atuutilersinneqassallutik. Erniat appasinnerat tassunga peqqutaapput, taamaammallu banki piffissami sivisujaami aningaasanik uninngatitaqartitsinermigut aningaasartuuteqartarsimavoq.

”Ulloq manna tikillugu sullitavut aningaasartuutitaqanngitsumik ileqqaakkaminnik uninngatitaqarsinnaasimanerat nuannaarutigaarput. Ilimasaarutilli malillugit erniat qaf-faqqikkallarniarpasinngimmata niuerfimmi pissutsinut naleqqussarnissarput aalajangiussimavarput. Tassa taarsigassarsiat ilaannut aalajangersimasunut erniat appartinneqassapput, sullitanullu privatinut 500.000 kr. sinnerlugit uninngatitaqartunut kiisalu pensioninut ileqqaakkanut erniat aningaasartuutaasut atuutilissallutik. Aalajangerneq taanna imaannaasimanngilaq, aningaaserivittulli akisussaassusilimmik sullissiniarutta sullissineq aningaasatigut annaasaqarfiujuartoq ingerlatiinnarsinnaanngilarput,” Árni Ellefsen, BankNordikimi pisortaaneq oqarpoq.

Erniat aningaasartuutaasut meeqqanut inuusuttunullu 29-t inorlugit ukiulinnut atuutissanngillat, taakkua uninngatitanut pensionimullu kontonut tamanut erniarissavaat 0,00 % p.a.

Taarsigassarsiat sorliit erniaat appassanersut suli aalajangiunneqanngilaq, qaammatilli tulliuttut ingerlanerini nalunaarutigineqarumaarpoq. Sullitat aningaasartuuteqartumik erniaqarusunngitsut tassunga taarsiullugu uninngatitatik aningaasaliissutigisinnaavaat. Aningaasalersuinermili arlaatigut nalorninaateqartuaannarpoq, iluanaarnissarlu siumut qulakkeerutigineqarsinnaanani. Piffissami tulliuttumi BankNordikip sullitani attavigiumaarpai, erniatigullu allannguutit qanorpiaq kinguneqarnissaat nassuiarlugu, anin-gaasartuutaasumillu erniaqartitsinermut taarsiullugu qanoq iliorsinnaanerannik periarfissaannik nassuiaallugit.

Ernianik allannguineq ilutigalugu bankip akigititani aamma allanngortissavai, iluanaarutinullu pilersaarutit aaqqissuunneqarnerat oqilisarlugu. Allannguutit taakku pissapput aningaaseriviup isertitatigut nukittorsarneqarnissaa aammalu sullitanut siunnersuinerup pitsanngorsarnissaa qulakkeerumallugit. Siunissami iluanaarutinut pilersaarutit mar-luinnaassapput: Nordik+ aamma NordikPremium.

Paasissutissat sukumiinerusut
Árni Ellefsen, pisortaaneq, tlf: +298 230 348, arel@banknordik.fo

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit