Iluanaarutinut pilersaarummi Nordik360-imi atugassarititaasut nutaat
Ukiumi aggersumi sullitatta ilarpassui bankimi atugassarititaat allanngussapput. Tassunga ilaatigut peqqutaavoq iluanaarutinut pilersaarummi Nordik360-imi atugassarititaasut allanngortinneqarnerat.
Aningaaserinikkut atukkat tamaasa aningaaserivimmi ataatsimi ingerlanneqarnissaat kissaatigigaanni uatsinni privatitut sullinneqarnissaq innersuunnarpoq. Ineqarneq, pensioni aningaasalersuinerlu pillugit siunnersuineq immikkut pikkoriffigaagut, taakkulu suli annerusumik aallunniarlugit aalajangersimavugut.
Sullissineq siunnersuinerlu pitsaasoq ingerlassimasarput attatiinnarumallugu siunnersuinikkut periuserput suli annerusumik nukittorsarniarparput, sullitallu ilumut siunnersorneqarnissamik pisariaqartitsisut aallunnerulerniarlugit. Tamanna pissutaalluni ilaatigut ulloq apriilip 1. 2020 aallarnerfigalugu iluanaarutinut pilersaarummi Nordik360-imi allannguissaagut. Allannguinerit taakku illit sullinneqarninnut allannguuteqassappata uatsinnit allagarsisimassaatit.
Sullitatsinnut qanoq kinguneqassava?
- Iluanaarutinut pilersaarusiaq allanngortissavarput, massakkullu immikkoortut assigiinngitsut marluinnaassapput, tassalu Nordik+ aamma NordikPremium. Nordik+-imi ilaaniaraanni bankimi minnerpaamik 400.000 kr.-ip nalinganut aningaasaqarnissaq piumasaqaataavoq. NordikPremiumimiinniaraanni aningaasaqarneq katillugu 1 mio. kr.-iussaaq.
- Iluanaarutinut pilersaarut ullutsinnut tulluarsagaanerulissaaq, taamaasillunilu bankimi aningaasaqarnerup katinnera ilanngunniarnermi piumasaqaataasoq naatsorsorneqaraangat aningaasat uninngasuutigisat ilanngunneqartarunnaassapput. Sullitat uatsinni aningaasanik uninngasuuteqaannarunik iluanaarutinut pilersaarummi ilaasinnaajunnaassapput. Taamatuttaaq iluanaarutinut pilersaarummi sipaagassat akiliutillu ilaat allannguivigineqassapput. Aningaasaqarnerpit katinnera qanoq naatsorsorneqassanersoq ugguuna takusinnaavat.
Paasissutissat sukumiinerusut
Apeqqutialuit akissutaallu uuma ataani katersorsimavagut, neriuppugut iluaqutigisinnaassagitit. Iluanaarutinut pilersaarummi allannguutit pillugit allanik apeqqutissaqaruit uatsinnut attaveqarnissannut tikilluaqqusaajuaannarputit.
Apeqqutit akissutaalu
Allannguutit sullitanut iluanaarutinut pilersaarummi ilaasunut qanoq kinguneqassappat?
2013-imi Nordik360 atulersikkatsigu aningaaseriviit silarsuaat allaaneruvoq, taamaammallu iluanaarutinut pilersaarutip ingerlannissaanut atukkavut allaallutik. Tamanna pissutaalluni ullutsinni atugassarititaasunut niuernikkullu pissutsinut tulluarsarlugu allanngortikkusussimavarput. Tamatuma kingunerisaanik sullitat ilaat iluanaarutinut pilersaarummi ilaanissamut piumasaqaatini akuerisaajunnaassapput ilaasinnaajunnaassallutillu. Sullitanut taakkununnga akiliutit allanngussapput, taamaattorli taarsigassarsianut aningaasanullu pisassanut erniatigut atugarisaat taamaaginnassapput.
Atugassarititaasut akillu nutaat sumi takusinnaavakka?
Ilinnut atugassarititaasut akigititallu akigititanut nalunaarsuutitsinni kiisalu iluanaarutinut pilersaarummut atugassarititaasuni uani takusinnaavat
Apriilip 1.-ta kingorna iluanaarutinut pilersaarummi ilaaniaraanni suut piumasaqaataappat?
Bankimi aningaasaqarnerpit katinnera minnerpaamik 400.000 kr.-iuppat iluanaarutinut pilersaarummi ilaasinnaassaatit. Aningaasaqarnerup katinnerata naatsorsornerani aningaasat uninngasuutit ilanngunneqassanngillat. Iluanaarutinut pilersaarummut ilanngunnissat eqqarsaatigigukku siunnersorneqarnissannut tikilluaqqusaavutit, aningaasaqarnerit misissorlugu qanoq periarfissaqarnersutit eqqartueqatigisinnaavatsigit.
Aningaasaqarnerpit katinnera qanoq naatsorsorneqartarnersoq ugguuna takusinnaavat.
Bankimi aningaasaqarnera allanngorpat qanoq pisoqassava?
Aningaasaqarnikkut pigisatit allanngorpata iluanaarutinullu pilersaarummi qummut ammulluunniit nuutsinneqartussanngussaguit (soorlu Nordik+-imit NordikPremiumimut) taava tamanna nammineerluni piumaarpoq.
Uatsinni periarfissatit paasisaqarfiginerorusuppigit?
Uunga sianerfigitigut