Sooruku bankit aningaasartuutaasunik erniaqalersitsisut?

Bankit arlallit assigalugit BankNordikip sullitat privatit uninngasuutaannut erniat aningaasartuutaasut atulersippaat. Tassunga pingaarnertut peqqutaavoq niuerfimmi erniat appasissimanerat – ukiunilu kingullerni erniat aningaasartuutaasimanerat – erniallu appasinnerat suli ukiorpaalunni atuutiinnassasoq naatsorsuutigineqarpoq. Tamanna pissutaalluni aningaaseriviit isertitaqarnissaat ajornarsisimavoq – aningaaserivittullu piviusorsiorluta akisussaaffilimmik suliniarutta aningaasanik annaasaqartuarsinnarluta kiffartuussisinnaanngilagut.

Isiginnaagassiani ukunani erniat aningaasartuutaasut illit aningaasaqarninnut qanoq kinguneqassanersut paasisaqarfigisinnaavat. Aammattaaq Aningaasaliinermut pisortatta tassani nassuiarpaa Nationalbankenimi erniat Europamilu aningaasatigut ineriartornerup sanngiinnera ilinnut erniarititaasunut sooq sunniuteqarnersut.