Ukiormanna qaammatini siullerni pingasu-ni ineriartorneq ingerlalluarpoq
BankNordikip ukiormanna ukiup sisamararterutaani siullermi naatsorsuutit ullumi saqqummiuppai, akileraarutillu sioqqullugit inernerat tassaavoq 118 mio. kr. Ataatsimut isigalugu sullitaasut coronap ilungersortitsinerani qaan-giilluarsimapput, bankillu Kalaallit Nunaanni niuernikkut ingerlatsinera ingerlalluarpasippoq.
”Kalaallit Nunaanni sullitatsinnik attaveqarnitsigut suleqatigiilluarneq ineriartorsimasoq assut nuannaarutigaarput, takusinnaavarpullu sullitat attavigilluartarnerat aamma bankip niuernikkut ingerlalluarnissaanik kinguneqartitsisartoq. Danmarkimi immikkoortortaqarfipput februaarimi tunineqarmalli Kalaallit Nunaanni ingerlatsinerput uatsinnut suli pingaarnerulersimavoq. Siunissamilu naatsorsuutigaarput sapinngisannguarput tamaat atorlugu sullitavut Kalaallit Nunaanniittut Savalimmiuniittullu pitsaanerpaamik siunnersorneqartarnissaat bankimilu sullilluarneqartarnissaat aallutariniarlugu,” Árni Ellefsen, BankNordikimi pisortaaneq oqarpoq.
Sullitavut nappaalanersuup ilungersortitsinerani ingerlalluarsimapput
Ukiup sisamararterutaani siullermi sullitat assut eqeersimaarsimapput, appartitsinerillu sioqqullugit ingerlatsinerup inernera 2020-mi piffimmut tassunga naleqqiullugu 36%-inik qaffariarsimavoq. Siorna piffimmi tassani COVID-19 bankip naatsorsuutaanut sunniuteqangaatsiarami. Ataatsimut isigalugu BankNordikip sullitaasa privatiusut aammalu inuussutissarsiortut nappaassuup ukiumi qaangiuttumi ilungersortitsinera qaangerluarsimavaat. Naallu suli nunarsuaq tamakkerlugu tunillaassuunnerup siunissami ungasinnerusumi kingunissai nalunartortaqaraluartut bankip ukioq 2021 neriulluarfigaa, aammalu ukiumi aggersumi Kalaallit Nunaanni suli ineriartortitsinissamik periarfissaqarluarnerarlugu.
Inuusuttut ilinniartut tapersersorneqarput
Ingerlatseqatigiiffik BankNordik inuiaqatigiinni akuuffigisamini piujuartitsinermik siuarsaaqataarusuppoq. Anguniakkamut tassunga atatillugu banki ukiumut marlo-riarluni BankNordik-legati 25.000 kr.-inik naleqartoq ilinniartunut marlunnut tunniuttarpaa; tamannalu kingullermik pivoq sapaatip-akunnerani kingullermi. Legatinnatsitsinerup siunertaraa inuusuttut qaffasinnerusumik ilinniagaqarniartut tapersersussallugit, tamanna ilinniartunut ataasiakkaanut inuiaqatigiinnullumi iluaqutaasussaammat.
2021-mi qaammatini siullerni pingasuni naatsorsuutit inerneri pingaarnersi-ukkat
- Akileraarutit sioqqullugit inernerat tassaavoq 118 mio. kr., 2020-mi piffimmi tassani -30 mio. kr.-uvoq
- Appartitsinerit sioqqullugit ingerlatsinerup inernera 38 mio. kr.-uvoq, 2020-mi piffimmi tassani 28 mio. kr.-uvoq
- Taarsigassarsiarititanik appartitsinernik utertitsineq -3 mio. kr.-uvoq, 2020-milu piffimmi tassani -18 mio. kr.-ulluni
- Ingerlatsinerup inernera 35 mio. kr.-uvoq, siornalu piffimmi tassani 10 mio. kr.-ulluni
- Bankip taarsigassarsisitsinera 2020-mi piffimmi tassani 7,4 mia. kr.-usimasoq 7,5 mia. kr.-nut qaffariarsimavoq
- Bankip uninngatitai 7,5 mia. kr-iupput, taamaasillutillu 2020-mi piffimmi tassani qanoq innerat naleqqatigalugu
- Akiliisinnaassusaa 2020-mi qaammatini siullerni pingasuni 23,4%-iusoq, 2021-mi piffimmi tassani 33,9%-inut qaffariarsimavoq
- Siulersuisut naatsorsuutigaat ilanngaatissat ilanngaatigereerlugit 2021-mi naatsorsuutit inernerat 150-200 mio. kr.-ip nalaaniissasoq (2020: 166 mio. kr.)