![](/-/media/banknordik/images/filialer/gl/banknordik_vh20639_169.jpg?rev=-1&mw=1600&hash=2A432BAA34E43CBD20823742EC23BD2B)
Moody’s-imit pitsaasumik nalilerneqarsimavugut
Kreditimik naliliisartut Moody’s BankNordik pillugu naliliisarnertik aallarteqqippaat. Taamaasillutik BankNordik sullitanut aningaasaliisartunullu qanoq isumannaatsiginera pillugu naliliillutik saqqummersitsillattaasalissapput.
Moody’s-ip naliliinera siulleq tassa “A2”. Naliliineq taanna pitsaasuuvoq, nalorninaatitaa appasilluni ilimasuutaallu qaffasillutik. Naliliineq saqqummersinneqarpoq marsip 21-anni 2022.
Annertuumik aningaasaliisartut amerlanerit, soorlu pensionskarsit, kreditimut tunngatillugu nalilersorneqarsimasunik taamaallaat aningaasalersuisarput. Taamaammat Moody’s-ip BankNordikimik nalilersuisalernera bankip aningaasaliisartunit nutaanit ornigarneqarnerunissaanut iluaqutaasinnaavoq. Tamatuma saniatigut aamma BankNordikip taarsigassarsiniarnissaanut obligationinilluunniit saqqummersitsinissaanut aamma pitsaanerusunik atugassaqartitaanissaanut iluaqutaasinnaavoq.