Ida Lund Winther privatkundedirektøritut atorfinippoq

René K. Sørensen Danmarkimut uterluni aasap kingorna atorfittaassamini aallartittussaammat BankNordikip Ida Lund Winther privatkundedirektørissatut atorfinitsippaa.

Ida Lund Winther Kalaallit Nunaanni inunngorlunilu peroriartornikuuvoq, maannalu Fehmarn Belt Contractors-imi Stakeholderitut Attaveqaqatigiinnermullu pisortaasimalluni. Ukiorpassuarni niueqatigiinneq, nioqqutissanik ineriartortitsineq, sullitanillu isumaginninneq misilittagaqarfigai, kiisalu professionel kommunikationimi Masteritut ilinniarsimalluni, aammalu E-MBA naammassisimallugu.

”René bankimi assorsuaq sulilluarsimavoq, suleqatigullu pikkoreqisut peqatigalugit tamaani sullinneqarneq pitsanngorsarsimavaa, sullitanillu nutaanit ornigarneqartuarnerput qulakkeersimallugu. Suleqataalluarsimaneranut qutsavigaarput, siunissamilu ingerlalluarnissaanik kissaallugu. Aammattaaq Idap privatkundedirektøritut atorfininnissaa assut nuannaarutigaarput, naatsorsuutigaarput Kalaallit Nunaanni niueqatigiinnermik ilisimasaqarluarnera, allatigullu ilisimasaqarnera misilittagaalu assorsuaq iluaqutigissallugit.” Turið F. Arge, BankNordikimi forretningsdirektøriusoq oqarpoq.
Juunip 16-iani ilassinninneq

Ida augustip 1-iani atorfittaassamini sulilissaaq, pisortartaarnitsinnullu atatillugu bankimi ilassinninnissamut qaaqqusissaagut sisamanngornermi juunip 16-iani nal. 14 -17, tassani Ida Renélu najuutissapput ilassineqarsinnaassallutillu. Kikkulluunniit tikilluaqqusaangaarput, bankip immikkoortortaqarfianiissaagut, Nuummi Qullilerfik 2-mi.