NemID-mit MitID-mut

Maanna MitID NemID-mut taarsiullugu Danmarkimi Kalaallit Nunaannilu ID-tut digitaliusutut atorneqalersimavoq, ukiarulu oktoberimit NemID atorlugu Netbankimut isertoqarsinnaajunnaassaaq. Taamaasillutit siunissami Netbankimut pisortallu kiffartuussiviinut assigiinngitsunut, soorlu Sullissivimmut, iserniaruit MitID atortussanngussavat.

Ima MitID-qalissaatit

MitID atulerniarukku kinaassutsit pillugu paasissutissat nutarsassavatit, kingornalu ilitsersuut malissallugu.

• Innersuussutigaarput MitID-mut nuunnermut atatillugu Digitaliseringsstyrelsenip videoliaat ilitsersuutit isiginnaarnissaat

Sukumiinerusumik paasisaqarit

Apeqqutissaqaruit uatsinnut attaveqarnissannut tikilluaqqusaajuaannarputit. Paasissutissat atorluarsinnaasatit sumi nassaassaanersut ataani takusinnaavat.