Uninngasuutit taarsigassarsiarititallu qaffariarsimapput
BankNordikip ukiormanna qaammatini siullerni pingasuni naatsorsuutit ullumi saqqummersippai, Kalaallit Nunaannilu niuernerat suli ingerlal-luarnermik ersersitsivoq.
”Nuannaarutigaarput ulluni makkunani suut tamarmik akitsoriartorfianni erniallu qaffakkiartorfianni sullitavut ataatsimut isigalugit aningaasaqarnikkut nukittum-mata, inuuniarnerlu akitsoriartoraluartoq ingerlalluarsinnaallutik. Taarsigassarsi-niarneq akitsornikuuvoq, akerlianilli ileqqaagaqarnissaq orniginarnerulersimal-luni, tamannalu atorluarneqarsimavoq. Assut naammagisimaarutigaarput Kalaal-lit Nunaanni sullitat amerliartuinnartut uagut pingaarnertut bankerissalluta toq-qartarmatigut, taamatullu ingerlaannarnissarput anguniagaraarput,” Árni Ellef-sen, BankNordikimi pisortaaneq oqarpoq.
Banki Kalaallit Nunaanni sullitanit nutaanit ornigarneqartuarsinnarpoq, tama-tumalu ilaatigut kinguneraa ukiormanna qaammatini siullerni pingasuni taar-sigassarsiat 130 mio. kr.-inik qaffariarsimanerat, uninngasuutillu 173 mio. kr.-inik qaffariarsimanerat.
Naak ataatsimut isigalugu sullitat privatit inuussutissarsiortullu aningaasaqarnik-kut ingerlalluaraluartut banki aalajangersimavoq aningaasaqarnikkut an-naasaqassagaluaruni sillimmatissat 56 mio. kr.-iusimasut 65 mio. kr.-inut qaf-fanniarlugit, pissutsit aningaasaqarnikkut nalorninaateqarnerat pissutigalugu.
Naatsorsuutit saqqummiunneqarneranni tamatumani Árni Ellefsen ukiut arfi-neq-marluk sinnerlugit pisortaanerusimasoq, ukiunilu 12-ini ingerlatseqatigiif-fimmi siuttooqataasimasoq atorfimminit tunuarpoq. Siornatigut nalunaarutige-riikkatsitut Turið F. Arge atorfimmi tassani kingoraartigissavaa. Turið 2007-imili BankNordikimi atorfinni assigiinngitsuni siuttooqataasarsimavoq, taamaammallu ingerlatseqatigiiffiup siumut ajunngitsumik ingerlatiinnarnissaanut piukkunnar-luarluni. Nutaamik pisortaaneqalernera Kalaallit Nunaanni niuernermut al-lannguuteqarnavianngilaq, Kalaallit Nunaanni immikkoortortaqarfik Nunatsinni pissutsinik ilisimaarinnittunit misilittagartuunillu ingerlanneqartuarsinnassaaq.
Ukiup sisamararterutaani siullermi naatsorsuutit inerneri pingaarner-siukkat
- Akileraarutit sioqqullugit inernerat tassaavoq 75 mio. kr.
- Appartitsinerit sioqqullugit ingerlatsinerup inernera 49 mio. kr.-iuvoq
- Taarsigassarsiarititanik appartitsinernik utertitsineq ilanngaatissat ilanngaatigereerlugit 8 mio. kr.-iuvoq
- Ingerlatsinerup inerneraa 57 mio. kr.
- Bankip taarsigassarsisitsinera 8,4 mia. kr.-iuvoq
- Bankip realkreditimik taarsigassarsisitsinera 2,6 mia. kr.-iuvoq
- Bankip uninngatitai 8,5 mia. kr.-iupput
- Akiliisinnaassusaa, NEP-kapital ilanngullugu 29,1%-iuvoq
- Siulersuisut naatsorsuutigaat ilanngaatissat ilanngaatigereerlugit 2023-mi naatsorsuutit inernerat katillugit 210 – 240 mio. kr.-ip nalaani-issasoq
Paasissutissat sukumiinerusut
Árni Ellefsen, pisortaaneq, tlf.: +298 230 348
Turið F. Arge, pisortaq, tlf.: +298 230 678