Kalaallit Nunaat toqqaruk

Ilinniareerlutit suliffimmiluunniit misilittagaqareerlutit Nunatsinnut uternissat eqqarsaatersuutigaajuk?

Københavnimi Kalaallit Illuutaanni immikkut sammisaqarluta unnussiuaarnissatsinnut ilaaniarna, Det Grønlandske Hus, Løvstræde 6, pingasunngornermi maajip 14-iani nal. 19.00.

Air Greenlandip Bankiviullu aaqqissuussaannik kalaallit Danmarkimiittut unnussiuaarnermut nuannersumut qaaqquagut, saqqummiisoqartarlunilu pub quizertoqassaaq, alutornartunillu pinnatassaqassalluni.

Sassaalliutigissavagut sliders aamma canapéer, baarimilu imeruersaateqassalluni. Peqataaneq akeqanngilaq.

Saqqummiinerni Nunatsinnut uterniarnermi ilisimasassat tamaasa tikikkumaarpavut – akileraarutinut tunngasut, suliffissarsiorneq, Kalaallit Nunaanni massakkorpiaq sulisut atugarisaat, aningaasaqarneq, aningaasaliineq, il. il.

Naggataatigut pub quizertoqassaaq, pinnatassallu ilaatigut Air Greenlandimeersut alutornavillutik.

Nunatsinnut uterniarlutit eqqarsaatersuutigigukku ilaaniarna, aamma nuannisariaannarlutit takkussinnaavutit. Takunissassinnut qilanaarpugut!