Apeqqutigineqarajuttut Mobilbank

Tuugassaq tungujortoq tikkuutitalik naqqani talerpiatungaaniittoq toorlugu akiliinermik/nuussinermik pilersitsisinnaavutit. Taava aningaasat nuunniakkavit amerlassusissaat allariarlugu, kontomit sumit tiguneqassanersut kontomullu sumut nuunneqassanersut toqqassavat. Nuussineq akueriumallugu"udfør" tooriarlugu talerpimmut swiperit.

Tuugassaq tungujortoq naqqani teqeqqumi talerperlermiittoq tooruk. Immersugassani qulaaniittuni pingasuni "Udland" toqqaruk, aningaasallu amerlassusissaat allallugu. Konto tigusisussarlu toqqakkit. Taava IBAN/Kontonormu immersussavat, pisariaqarpallu aamma BIC/Swift. "Udfør" tooruk. Akiliineq pillugu paasissutissat immersukkit - tigusisussap aqqa najugaalu ilanngullugit. Aningaasat amerlassusaat allaguk nunallu sorliup aningaasaatai pineqarnersut ilanngullugu, piareeruit "Næste" tooruk. Talerpimmut swiperlutit akiliineq akueriuk.

Titarnerit pingasut naqqani teqeqquani talerperlermiittut toorlugit aalajangersimasumik nuussisarnissamik pilersitsissaatit. "BS og faste overførsler" tooriarlugu "faste overførsler" tooruk. Taava assimi nuisumi +-iaraq qulaani teqeqquani talerperlermiittoq tuussavat, akiliinissallu paasissutissartai immersoriarlugit "Opret BS-aftale" toorlugu. Talerpimmut swiperlutit akiliineq akueriuk.

Titarnerit pingasut naqqani teqeqquani talerperlermiittut toorlugit Mobilbankimi BS-ikkut isumaqatigiissusiussaatit. "BS og faste overførsler" tooriarlugu "Betalingsaftaler" tooruk. Taava +-iaraq qulaani teqeqquani talerperlermiittoq tuussavat, akiliinissallu paasissutissartai immersoriarlugit "Opret BS-aftale" toorlugu. Talerpimmut swiperlutit akiliineq akueriuk.

Qinigassat akornanni "Betalinger" tooriarlugu "Betalingsaftaler" toorukku aalajangersimasumik nuussisarnitit BS-ikkullu isumaqatigiissusiatit ataatsimut takusinnaavatit. Uani BS-ikkut isumaqatigiissusiatit aalajangersimasumillu nuussisarnitit tamaasa ataatsimut takusinnaavatit.

BankNordikip Mobilbankiata app-itaa akeqanngitsumik App Storekkut aassavat. Mobilbankimut iserniaruit malittarisassat atugassarititaasullu atuariarlugit akuerissavatit. NemID atorlugu isissaatit, inuup-normut pinkodelu toortakkit, taava atorsinnaalissavat. Piumaguit aamma isilernermi touchID imlt. faceID atulerumallugu toqqaasinnaavutit, isumannaallisaaneq eqqarsaatigalugu taakkua arlaat atulernissaat innersuussutigaarput.

Mobilbankimut isissutissat puigorsimagukku "Glemt kode?" tuussavat, taava NemID atorlugu isersinnaassaatit kingornalu isissutissamik nutaamik sanallutit.

Aqerluusaq qulaani teqeqquani talerperlermiittoq toorlugu saqqaanut iseraangavit kontot suut nuisatikkusunnerlugit toqqaasinnaavutit, qanorlu tulleriiaarneqarnissaat aalajangersinnaallugu. Tuugassaq miinusi toorlugu kontot nuisatikkusunngisatit peersinnaavatit, tuugassarlu plussi toorlugu kontot nuisatikkusutatit toqqarsinnaallugit.

Arlalinnik atuisoqaruit naqinnerit aallaqqaataasut qulaani teqeqquani saamerlermiittut toorlugit atuisumit atuisumut nuussinnaavutit.

 

Atuisutut normut kontoit killiffianik ilisimatitsissummi ersittuaannarpoq. Kontop killiffianik ilisimatitsissut allagaatillu allat takuniarukkit sianeq naqqaniittoq tooriarlugu "Dokumenter" tuussavat, kingornalu "Arkiv" toorlugu. Atuisutut normut kontoit killinganik ilisimatitsissummi qulaani saamiatungaani aterpit ataani allassimavoq.

Aqerluusaq qulaani teqeqquani talerperlermiittoq toorlugu saqqaanut iseraangavit kontot suut nuisatikkusunnerlugit toqqaasinnaavutit, qanorlu tulleriiaarneqarnissaat aalajangersinnaallugu. Tuugassaq miinusi toorlugu kontot nuisatikkusunngisatit peersinnaavatit, tuugassarlu plussi toorlugu kontot nuisatikkusutatit toqqarsinnaallugit.

Aningaasivik skærmip naqqaniittoq takullugu kontotit ataatsimut isigalugit takusinnaavatit. Konto sukumiinerusumik paasisaqarfigerusutat tooruk. Tuugassaq (i) qulaani teqeqquani talerperlermiittoq toorlugu konto pillugu paasissutissat takukkit. Kontop aqqa allanngortinniarukku aqerluusaq tooruk.

IBAN-normut BIC-kodelluunniit nuussinermut atatillugu atorniarukkit kontop pineqartup atugassarititaasa allattorsimaffianni takusinnaavatit. Aningaasivik skærmip naqqaniittoq tooruk, kontolu paasisaqarfigerusutat toqqarlugu. Tuugassaq (i) qulaatungaani teqeqquani talerperlermiittoq toorlugu "kontodetaljer"-ip ataani kontop IBAN-normua BIC-kodealu ersipput.

Mobilbankikkut ajornaatsumik, tatiginartumik, isumannaatsumillu siunnersortit allaqatigisinnaavat, allagaatinillu nassissinnaallugu. Mobilbankip saqqaani naqqanit swiperlutit "kontakt" iserfigisinnaavat, imaluunniit qinigassat akornanni sianeq qeqqaniittoq toorsinnaavat, taavalu "Beskeder" tooriarlugu "Ny besked" qulaani talerpiatungaaniittoq toorlugu. Naqqani saamiatungaani "privat" toorukku siunnersortivit kisimi allatat takusinnaassavaa.

 

Kortit tammaagukku, atornerlunneqarsimanissaanilluunniit pasitsaassisimaguit, taava Mobilbankikkut ajornaatsumik isumannaatsumillu matutissinnaavat. Saqqaata naqqaniippoq aningaasiveeraq, taanna qummut swiperukku kortitit nuissapput. "Mine kort" tooriarlugu kortip matutinniakkavit nalaanut swiperit. Korti taanna tooriarlugu, "muligheder" tooriarlugu, "Spær kort" tuussavat.

Uatsinnit allagaataatitit takuniarukkit nassaareriaannaapput, siarngup eqqaani nuisissinnaavatit imaluunniit talerpiatungaani qinigassat akornanni "Dokumenter" toorlugu. "Arkiv"-ip ataaniipput kontoadviseringit, kontop killinganik ilisimatitsissutit, allagaatillu siornatigut atsioreersimasatit tamarmik. Ujarliutit atorlugit allagaatitit tamaasa takulluarsinnaavatit.