Nalorninaatit nalunaaqutserneqarnerat
Finanstilsynip nalorninaatinut tunngasumik nalunaaqutsiinermi malittarisassiaat naapertorlugit aningaasaliinermi periarfissaatigut eqimattanut pingasunut agguataarsimavagut, tassa qorsuit, sungaartut, aappaluttullu.
Nalorninaatit nalunaaqutserneqarnerat sumut atorsinnaavara?
Nalorninaatit nalunaaqutserneqartarnerisigut aningaasaliileraangavit nalorninaatitaanik ersarissumik paasitinneqassaatit. Qalipaatit aningaasaliinerup qularnaatitaanik takutitsisuupput, aamma aningaasaliinerup kingunerisinnaasai qanoq ersaritsiginersut imaluunniit qanoq takujuminaatsiginersut tassani takuneqarsinnaapput. Taamaasilluni nalunaaqutserneqarnerat aallaavigalugu nalorninaatit annertussusaat aningaasaliinerullu qanoq paasiuminartiginera imlt. ersaritsiginera takujuminarnerullutik.
Taamaattorli eqqumaffigissavat nalunaaqutsiineq annaasaqarnissamut ilimanaataanik takutitsisuunngimmat, aammalu siunnersorneqarnissatut isumalluutigineqarsinnaanngimmat. Taamaammat nalorninaatit nalunaaqutserneqarnerat kisiat aallaavigalugu aningaasaliineq innersuussutiginngilarput.
Qorsuit
Periarfissat paasiuminarnerusutut naatsorsuutigisavut qorsunnik taasarpagut. Assersuutigalugu tassaniipput obligationit, obligationimut piffissaliussap naanerani taarsigassarsiat atsiorneqarnerminni angissusiat annaaneqarnissaat ilimanaattorujussuusarpoq. Taakku tassaasinnaapput statsobligationit DKK-jusut EUR-iusulluunniit.
Sungaartut
Sungaartumiittut qorsunniittuninngaanniit annaasaqarnissamut nalorninaataat annertuneruvoq. Kisianni qorsuit assigalugit sungaartut aamma paasiuminaannerusutut oqaatigineqarsinnaapput. Sungaartuniipput ilaatigut peqatigiiffinnit aningaasaliisartunit Danmarkimiittunit periarfissat amerlanerit.
Aappaluttut
Aappaluttuniittut paasiuminaatsutut katitigaasutullu oqaatigineqarsinnaapput, imaluunniit ilaatigut aappaluttunik aningaasaliinermi aningaasaliissutigisat nalingat sinnerlugu annaasaqarsinnaaneq periarfissaasinnaalluni. Assersuutigalugu aappaluttuniipput strukturerede obligationinik taaneqartartut.
Nalorninaatit nalunaaqutserneqarnerini eqqumaffigisassat
Aningaasaliiniartillutit periarfissat assigiinngitsut nalorninaataasa nalunaaqutserneqarsimanerat misissoraangakkit makku eqqumaffigisariaqarpatit:
- Nalorninaatit nalunaaqutserneqarneranni aningaasaliissutigineqarsimasut annaaneqarsinnaanerat aallaaviusarpoq, imaanngitsoq annaaneqarnissamut ilimanassuseq qanoq annertutiginersoq.
- Aningaasaliiffissap ajunngitsumik iluanaaruteqarfiusinnaanera nalunaaqutsiinermi ilanngunneqarneq ajorpoq.
- Aningaasaliiffissamut piffissaliussaq nalunaaqutsiinermi naatsorsuunneqarneq ajorpoq.
- Aningaasaleeriaaseq pappialaatinut nalilinnut attuumassuteqartoq pappialaatillu nalillit aningaasalersukkat nalorninaataasa nalunaaqutserneqarsimanerat imminnut ataqatigiinngillat.
- Tunngaviusumik atuuttuaannarpoq una: aningaasaliissut iluanaarluarfiusinnaappat aamma annaasaqarnissaq periarfissaasarpoq.
- Nalorninaatit nalunaaqutserneqarnerat ilisimasaqarluartumit siunnersorneqarnissamut taarsiutitut atugassaanngilaq, siunnersorneqarnermulli tapertaalluarsinnaavoq
