Immikkut aningaasaatinik isumaginninneq
Immikkut aningaasaatinik isumaginninnermik isumaqatigiissuteqaruit illit piumasaqaatitit qularnaataasinnaasunullu piumasaqaatitit naapertorlugit aningaasaliisinneqassaatit. Isumaqatigiissusiornissannut aningaasaliissutiginiakkatit minnerpaamik 5 mio. kr.-iussapput.
Aningaasaliissutitit ilisimasaqarluartunit nakkutigineqassapput
Aningaasaatinik isumaginninnermik immikkoortortaqarfimmiittuutigut aktianik obligationinillu aningaasaliinernik aammalu akuleriinnik aningaasaliissuteqarnermik ilisimasaqarluartuupput, sullissinerminnilu aktiat obligationillu agguataarnerisa pitsaanerpaamik inissisimanissaat pingaartinnerpaallugu ataavartumik sulissutigisarpaat.
Immikkut aningaasaatinik isumaginninnerup siunertaraa illit aningaasaliisutut siunissaq ungasinnerusoq eqqarsaatigalugu sinneqartooruteqarluarnissat, tamannalu niuernikkut pissutsit tamakkiisumik qanoq innerannit toqqaannartumik sunnerneqassanngitsoq. Aningaasaliineq pitsaasoq ajutoorsinnaanerlu eqqarsaatigalugu aqutsilluarneq periuseralugit tamanna anguneqassaaq.
Sullitatut iluaqutissatit
- Aaqqissuussineq ilinnut tulluarsagaq
- Sinneqartooruteqarluarnissaq siunertaralugu aningaasaliinermik ingerlatsineq - nalorninaatitaa annertuseqqinngikkaluarlugu
- Ullut tamaasa aningaasaliissutitit nakkutigineqartarmata pigisatit nakkutigineqarnerussapput
- Sinneqartooruteqarluarnissaq nalorninartullu appasinnissaat siunertaralugit aningaasaliissutitit siammasissuutinneqassapput akuttoqatigiissumillu aaqqissuunneqartuassallutik
- Ulluinnarni sullinneqarnissat bankimi siunnersortivit ingerlatissavaa - tassungalu ilanngullugu aningaasaliinermik ilisimasaqarluartortavut attavigisarsinnaassavatit
- Kissaatitit maleqqissaarlugit nalunaarusiorneq
- Suliffeqarfinnut pappialanulluunniit nalilinnut atatillugu immikkut kissaateqaruit siunnersorneqassaatit
Aningaasaleeriaaseq
Immikkut aningaasaatinik isumaginninnermik sullissigaangatta siunissaq ungasinnerusoq eqqarsaatigalugu aalajaatsumik isumannaatsumillu naleqarnerulersitsineq tunngaviliullugit aningaasaleeriaaseqartarpugut. Aalajangigassat tamaasa immikkut nalilersorlugit suliarisarpagut, taamaasillutalu siunissaq ungasinnerusoq eqqarsaatigalugu aalajaatsumik aningaasaliinissaq qulakkeertarlugu.
Aningaasaliinermi atuuttuaannartut
Aningaasaliinermi siumut naatsorsuutigisat eqquutinngitsoorsinnaanerat nalorninaateqartitsiuaannarpoq. Pappialanik nalilinnik aningaasaliinermi annaasaqarsinnaaneq periarfissaajuaannarpoq, annaasaqarnerlu pissagaluarpat aningaasaliisup nammineq tamanna akisussaaffigissavaa.
